KATIMA MULILO – Mutayi wa likolo la makete mwa sikiliti sa Zambezi no tabezi lizazi la makete amazoho kwa sipatela sa Katima Mulilo Labutanu. Mwa manzwi ahae, muzamaisi swalelele wa likolo la makete mwa sikiliti sa Zambezi Richard Likokoto naize halunze lutalimana ni butata bwa matuku ashelashelana kikwabutokwa kuli babeleki ba makete bafumana lituto zeswanela. Kakubafa lisebeliso zelukela kuli bakone kubona kuli mazoho abona akenile nako kaufela.

‘’Kakubafa lisebeliso zeswanela kuli mazoho abona abe akenile nako kaufela, haluna feela kubabalela makete abona kono luka hulisa pabalelo yebafa kubao ba ba itokwa,’’ nekubulezi Likokoto. Nabulezi hape kuli kuna ni matuku amañata ayambukela kuzwa ku mutu yomuñwi kuyas kuyo muñwi kamazoho atezi masila. Matuku amañwi ki acwale ka musululo, Kolera, libelenge mane cwalo ni Covid-19. ‘’Kalituto ze zwelapili nikufa babeleki zeswanela, lu hulisa babeleki baluna ba makete kuli baine baitukiselize nikuziba mikwa ye tokwahala hala kukenisa mazoho. Kakuzwisezapata sizo sa kuzwelapili kuituta ni ku eza hande, lubona kuli miyaho yaluna ya makete isiala kuba masabelo alifoliso ni kukutela mwa makete sakata,’’ nabulezi.

Lizazi la makete amazoho la lifalisi litabelangwa la 5 Kandao silimo ni silomo. Unumwaha neli tabelwa hala mutomo otwi ‘’Kubabaza zibo ni kufa lyano leli tokwahala mwa makete ni babeleki ka zibo yenca ni lituto zesebeza hala kutibela kuyambukela kwa matuku ni makete amazoho.