Auleria Wakudumo
Michael Amushelelo okwe likufa mo momusholondodo wovaleli vongudu Landless People’s Movement (LPM), va hoololwa va ye komutumba wopashiwana.
Amushelelo oo he liufana ‘The peoples general’ okwa li pondodo 31 momusholondodo ashike edina laye okwe likufa mo yee mwene shaashi vati okuwete ina longa sha sha wana mongudu opo ngeno a fiyafanepo navakwao mokuya komutumba wopashiwana.
“Ondi wete inandi longela eshi nda pewa kongudu yo-LPM,” Amushelelo ta ti.
Okwa weda po ta ti okuudite kutya ita dulu okupewa oshinima ine shi longela, nonghee nena ita dulu okutambula osho a longelwa kuvakwao.
“Ngeenge inandi longa ame mwene, itandi dulu okutambula omakipa oshali,” Amushelelo ta ti.
Ondi li natango nde litula mo ongomushikuli wongudu wo-LPM.
“Onghene onda anya okuundulilwa momutumba wopashiwana, nda fa itandi dulu okulitwala mo ame mwene,” Amushelelo ta weda po.
Amushelelo oo a li nale oshilyo shongudu yoNamibia Economic Freedom Fighters (NEFF), okwa waimina o-LPM mu11 Juli 2024 nokwa mona okakalata kaye kongudu efiku olo tuu olo.
Okwa holola kutya okwa waimina ongudu ei shaashi otai kondjifa oimbuluma, osho yo omhumbwe yedu moshilonga.