WALVIS BAY – Oshilyo oshikulu shopaliamente nomunapolitika omukulu Ben Amadhila okwa kumagidha iilyo yoSwapo opo yi hogolole neitulomo opo ongundu kayi thiminikilwe mepangelo lyembwinda.
Amadhile ndhika okwe dhi popi pethimbo a li ta popitha oshigongi shoSwapo shoka sha li koWalvis Bay mOlyomakaya.
Amadhila okwa indile aahogololi ayege yahogolole Swapo, ta ti Aanamibia ngele ina ya Kotoka otaya ki iyadha monkalo ngaashi ndjoka yoshishiindalongo South Africa moka ongundu tayi pangele ya thiminikwa opo yi ye mepangelo lyembwinda nompilameno.
“Aanamibia naya lombwele Swapo nawa nawa nkene e na oku lela. Komukalo ngoka oongundu ndhoka dhamangulula oshilongo itadhi ka ya mepangelo lyembwinda ngaashi shoka shaningwa moSouth Africa. Onkene natu hogololeni onakuyiwa yaanona yetu, aakulupe nonkalonawa yoshilongo shetu,” ta ti ngaaka.
Amadhila okwa indile wo Aanamibia ayehe yahogolole Netumbo Nandi-Ndaitwah, momahigololo ngoka geli ko momasiku 27 Novemba nuumvo ta ti kehe ngoka a ishangitha opo a ka hogolole na longithe ompito ndjoka.
Ngele, Nandi-Ndaitwah okwa sindana momahogololo, otaka ninga oye omupresidente gwotango moNamibia — “oshoka oshinima oshinene nesindano enene koshilongo,” Amadhila ta ti.
Okwa totha mo wo esimano lyomahogololo ta ti ogo ogundhi yoku kaleka po ombili nuukumwe moNamibia.
“Omahogololo ngaka oga pumbiwa noonkondo. Elalakano oku tsikila nombili nopolitika yangungumana moshilongo shetu opo tu kaleke po onakwiiwa yaagundjuka naakokele yetu,” he said.
Moku tala onakuziwa yaNandi-Ndaitwah nonkandangala ndjoka a dhana moSwapo nomoNamibia oku za moomvula dho1970 sho ya tsakanena moomvula dhekondjelomanguluko, Amadhila okwa ti: “Onda tsakanena naye lwotango mo1975… “Okwali omukiintu omugundjuka, kee na uumbanda gwasha. Okwali a faathana naalumentu mboka ya zala iikutu yiitu yiita — omuleli gwashili a zala onyati.” Okwa popi nomuthindo ta ti uufule waNandi-Ndaitwah womiita owa thethenga uuleli we monena.
Amadhila okwa tanga wo ontseyo yaNandi-Ndaitwah yoku longa mepangelo unene sho a kala ta longo kuuministeli wiikwapondje hoka oko lela a longo iilonga ya ikalekelwa. Miilonga ye ito zi mo! Ye oye gumwe gwomwaamboka ye shi ongundu yoSwapo meni nokombanda,” ta ti ngaanga.
Amadhila ta ti ontseyo yoshilingo, ndjoka yi kwetiwe kuNandi-Ndaitwah, oye mu ningi gwumwe gwomwaamboka taya vulu oku ninga aaulikwa-hogololwa aanankondo.