Katengo kakabona zaliketisa (ECN) kan’olisize nombolo yezwelapili yelikana 366 036 kuzwelela hakakala. 

Lin’olisa lene likalile la 3 Mbuwana, lika fela la 1 August 2024. Mwasitatimende Labulalu, ECN ne ize nombolo iyemela ba ba n’olisizwe kuba baketi mwanaha, ni bale baban’olisize kwanda naha kutisa la 15 Mbuwana 2024.

Nombolo iyemela nombolo yelikanelezi ya 29 918 kazazi mwahala 10 ni 15 Mbuwana 2024. Sikiliti sa Khomas nesi n’olisize nombolo yetuna ya 77 098, kulatelelwa ki Ohangwena ni 40 122, Omusati ni 35 804. Likiliti zene n’olisize nombolo yenyinyani ki Omaheke ki 10 242, Zambezi 11 381 ni Kunene 12 262.

Hane kasusueza bayahi kaufela banaha Namibia babasika in’olisa kueza cwalo, katengo ka ECN neka ize lin’olisa lizwelapili mwanaha ni kwanda naha, kuisa la 1 Muyana 2024, kukala Lamubulo kuisa Lasabata, kuzwa nako ya 08h00 kuisa nako ya 19h00. Bayahi banaha Namibia bakaya kwa kubota la 27 Njimwana, kubotela liketisa za 2024 za Mueteleli wanaha ni Limembala zandu ya Milao.

- Nampa