Vagazarerwa ava vana kara asi kapi vakere mokabinete kavazumbanesere ehundiro lyawo asi ngano vavatware kevango oku kwakara asi yiko avandindilire ava vana kuza vakavapangure.
Mupanguli gokompanguro zonene Boas Usiku nkera kakandwirepo ehundiro kumwe nokuligusa po pelikwamo asi kapi lina hepere kulitura asi likare pangenderera kwava vanadivikwa asi Fishrot, ava vana kara asi kwavagusa nye mo sintokorwa so C, omu mwakara nayinye.
James Hatuikulipi, Mike Nghipunya, Phillipus Mwapopi, Otneel Shuudifonya, Pius Mwatelulo ntani Ricardo Gustavo yiwo kavatuliremo ehundiro kukwama apa nye vavagusire oku vakere vahana kudivako Yuma oku vakere velike vavarete oku kwakara vanadorongo navenye. Ministera gwanare goyipangura, Sakeus Shangala ntani mukwawo zendi ministera gwanare gonomfi Bernard Esau aw okapi yavaguma asi vavagusemo omo vakara nanare.
Hatuikulipi katuliremo ehundiro pangenderera asi varugani wokodorongo vahatura usimbu etokoro olyo mosirugana/ mokuyitura nye oyo mosirugana Shanghala yige nye kavakarererepo.
Mupanguli yipo katokwere asi kapi yina kara hepere asi yopangenderera, yina kara asi ehundiro olyo kuvhura kuyalipurakena konyima zosiruwo kapisi ngesi. Awo kavatente asi egano eli lyokuvarundurura kuvhura nye kuzonagwisa eliwapayikiro lyawo lyokukamoneka kompanguro, age kuna kuyimona asi kapi yina kara asi hepero vakare nevango lina wapa mokuliwapayikira mpanguro.
‘’Pwantani ngesi kuna kara nye egano lyanavenye lina kulikida asi etokoro lyangesi kapi lina kara asi kovanadorongo vana kundindira yipangura velike wokuvhura kukara monkondwa zavelike nawo woowo vana kutanta asi kuvagusa mevango kapi yina kara paveta hawe olyo epuko, yimo ana kutanta Usiku.
Age katente asi nsene asi ehundiro lyawo valiture pelikwamo hawe simpe vana kara nompito zokuvapurakena, nokugwana nawa nawa asi ngapi navayihuyunga, nsene asi mpanguro zina kara asi yina vawapere. Shanghala katente asi evango lyana venye kapi lyawapa asi muntu oruganenemo makona kono goge, siruwo oso ono kundindira mpanguro zoge, evango eli lyakara asi zogera unene ntani kapi lyazera .
Age katente asi kuna kara tupu nye epopero lyountu wawo, muna kara mulyo kuparuka ntani untu womuntu komeho zompanguro.
Mokukwama mwendi, kuna kuyimona asi vagendesio nodorongo kuna kupitakanena untu womuntu eyi vana tura etokoro asi vavature nawo omu vaponga vakwawo. Eyi yina kuvasilika asi vahaliwapayikira nawa vakamoneke kompanguro.
Age katente asi ehundiro eli lina kara ngenderera, morwa mukaro nye ogu vana kurugana varugani wokodorongo. Mupanguli katokwere asi owo kavatuliremo ehundiro vahepa kufuta yimaliwa oyo karuganesere mukarelipo ogu kaya lipatanene nawo. Muhahende Slyken Makando, ogu kalipere sirugana oso epangero, yige nye kakakarererepo ogu ana kupatanesa ehundiro olyo. –rrouth@nepc.com.na