Omaturiro wa Tjomuise inga nge tjiukwa otjOkongova kaye rukirirwe kotjiṋa tjarwe pendje nongombe ongova yotjiwaṋa tjOmbandi nda rukwa i Tjiraura wa Konguze

A rukire kongombe yonganda yawo ongova.

Otje he ri otjitemise kutja umwe omukuru nomuṱi

wOmbandi, Kamaituara Zacharias Kukuri,  omurari umwe motjihuro momaturiro inga Orocky Crest oku wa rukirwa. Kamaituara ngwa zu mu Tjiraura. Kakutja Kamaituara wehuno wina mOtjomuise meṋe yozongungu zomaturiro inga Opineersparka, rukuru ngaaye

tjiukwa otjozongungu zOvirumbu meṋe yorutenda romahina ndu kapitira mbo nai opo pu pa tungwa ombindi ye i yOmbandi.

Pendje nouhonge Kamaituara wa ṱiza onganda yawo ngandu tji mai ru ovita vya Viuombo tjandje u ri komurungu wayo. Ngandu pOmbakaha eye mena rokutja tjandje wa yahwa pa raerera Samuel Maharero kutja eye komurungu kenokuvaza naa Ovandjoitji ngave

Mu va ze mbo pOmbakaha nu kave nokumuvaza nokumukambura ombo pehi ma ru. Opa kamburirwa a twarewa korumbo rohangauti rwa Tjomuise. Imbo nai pu pe nombindi ye eye opa turukirwa komuti norutavi romuti katurikwa aru pumbuka a wire pehi. Posi ya Ovandoitji nangwari va tanda okumuzemba otja keraa rokutja omuhoko wOvaherero nOvambanderu ngau yandekwe nu opu ve mu yahera.

Hitjevi Kasuto, ngwa kuramenenepo Ombandi, ma tja: “otuveze otuhuze twomakuruhungi otuingi twe ura tjimuna imbo Kamautuara pa ṱira. Otjeri ohepero kutja otuveze twi tu tjiukwe nu tu pewe ondengero nomazemburukiro nge tu pwire.”