Paulina Ndalikokule
Aakiintu ye li mendiki lyezulonkalo moWindhoek ota ya ka kala mekwatadhano naakwanezimo, ookume noku mona omakwatho gwopaveta sho ya pewa oongodhi dhokopaala.
Omukuluntu goondholongo nomandiki gezulonkalo moshilongo Commissioner General Raphael Hamunyela okwa ti oku eta po omukalo omupe goongodhi moodholongo otashi kakwathela oonakuninga omiyonena kaya kanithe omakwatathano noku yuulukwa unene aakwanesimo yawo.
Moshipopiwa she shaleshwa pehala lye mEtine, pethimbo oshinoma shika sha tulwa miilonga Hamunyela okwa ti shoka otashi ti woo kutya aanambelewa yomomazulonkalo otaya ka kwashili paleka kutya ongodhi dhoka ita dhi ka longithwa muulingilingi. “Ongodhi ndjoka oya longwa tayi vulu oku ndhindhilika oonkundathana dhaanadholongo, shoka tashi kwathele oku keelela omakwatathano goopngela dhuulingilingi osho wo oku kwashilipaleka kutya aakwanezimo itaya etele aanadholongo iinima ya indikwa,” Hamunyela a ti ngaaka.
Omivo dhaza ko iikundaneki moshilongo oya kala noku lopota nkene aakwanezimo nookuume yakala noku yakela iinima ya indikwa moondholongo unene tuu oongodhi dhopeke, iilwitho, niingangamithi. Tati kutya oodholongo nomazulonkalo odhina oshinakugwanitha oku kwashilipaleka kutya onkalo yaanadholongo oya zulwa nethimbo taya kashuna moshigwana otaya ka landula nokusimaneka oompango dhomoshilongo.
Omukuluntuwiliki gwehangano ndjoka lyanduluka oongodhi ndhoka Amos Shiyuka okwa ti ota ya ka kwashilipaleka kutya otaya andjaneka oongodhi ndhoka moodholongo adhihe moshilongo.
Ta ti kutya omazulonkalo otaga longo nuudhiginini oku kwashilipaleka kutya aanadholongo oya pewa omakwatho taya pumbwa mokuzulwa osho wo okukwatela po omakwatathano nookahewa naakwanezimo yawo.
Aanadholongo otaya pumbwa oku shangitha oonomola dhoongodhi dhoka dha talwa nawa noku kolekwa kutya ihadhi longithwa miilonga yiimbuluma. Ethimbo lyokongodhi ndjoka otali kalandwa ashike pomahala goombelewa dhaNampost, ngoka e li oshilyo moshinyangandhalwa muka.
Oongodhi moodholongo odha gandjelwe koodholongo okuza o2019 sho ondholongo yaalumentu moWindhoek yapewele oongodhi nga ndhoka dhokopala.