Victoria Kaapanda

OHANGWENA - Omulumentu gwomimvo 37 Festus Tuhafeni Frans  okwa dhipaga omukiintu gwe sho e mu tsu noshitenda omanga ina imangeleka momukunda Oshimumu mOshitoplwa shaHangwena.
Omupoliko gwopolisi monooli  Warrant Abner Kaume Itumba okwa ti oshiningwanima shono osha li sha holoka uusiku wOlyomakaya po23H00.

“Otaku hokololwa kutya omukiintu gwedhina Hambeleleni Inamulyange Gabriel 25 a yambukile momukunda Oshimumu, okwa li ta landitha okapana pokandingosho kontumba, omanga ye li namwene. Inamulyange okwa li a ithanwa kookastoma ndhoka dhali dha hala okapana, ee ta fala dhi ka lande mo, hoka oko a zi  taya nyenyeta sho omulementu a si uukodhi kutya  oshike e na okufala okapana shapo oku na ko omulumentu”. Iitumba ta ti ngaaka.

Ta hohokolola ta ti Frans okwa li a tile omukiintu  gwe okambiga kokapana hoka a li ta landitha, nokwa li a tokola kutya ita tsikile we okulanditha otayi kegumbo, omanga ina thika kegumbo aantu mboka ya li puukamba oya uvu omuntu ta kugu, sho ya tondokele ko oya adha Inamulyange a lala mondombe yombizi  nokanona mondhikwa ashike inaka ehamekwa .
Omukiintu ngoka okwa li a tsuwa noshitenda montulo nomepunda iikando oyindji nokwa li a hulithile pehala mpoka. Frans okwa li a tondokele kegumbo mbala hoka a ka imangelekela.

Oshiningwaninima shimwe inashi faathana okanona komimvo 9 oka li ka gwile metale lyomeya  Etitano lya zi ko mOshikango, sho ka li taka dhana nuunona uukwawo womimvo hamano nakamwe ke na omimvo omugoyi mboka wa zi moSanta Clara moshishiindalongo Angola.

Oshiningwanima shoka osha li sha holoka Oosoondaha ya zi ko potundi ontintano yokomatango, nomudhimba ngoka ogwa li gwa moniwa kaapolisi yokOshakati mboka haya kongongo omidhimba momeya. Kape na  ngoka ta fekelwa moshiningwanima shoka.

 Omulumentu gomimvo 20 okwa li a falwa kOshipangela shEngela nokonima kOshipangelo shaShakati monkalo ombwiinayi sho a lyatwa kohauto, ndjoka kayi na nomola tayi hingwa  komulentu gomimvo 20 pOngha mOshitopolwa shaHangwena.
Omulumentu ngoka kwa li ta hinigi okaToyota, ihe ke na omukanda gokuhinga n okwa li ta hingi okuza kOnhnuno a uka kOngha.