Oshiputudhilo shuunongononi niikwaingomba shoka sha kala tashi longele mehala limwe pakathimbo, osha mono ehala mpoka tashi ka tunga osikola yawo yaaluhe kEenhana moshitopolwahogololo shaHangwena.
Okuza omumvo 2022 sho oshiputudhilo shoka sha totwa po osha kala nokulongitha omatungo taga ithanwa William Billy Mwangingange Rural kEembaxu moshitopolwa shaHangwena.
Mekwatelokomeho lyaminista gwelongo lyopombanda Itah-Kandjii Murangi oshowo aakuluntu ya yooloka yoshiputundhilo shuunongononi niikwaingomba oya li ya kwata ondhopi nokupatulula pambelewa mpoka tapu tungwa oshiputundhilo shoka.
Aalongwa yel i 73 Etitano oya zala omaguwo nokumona oonzapo miimpungu ya yooloka okupitila moshiputudhilo shoka oshikando shotango.
“Otandi kumagindha aalongwa ya mono onzapo nena ya kale oshi holelwa oshiwanawa sha yakwawo taye ya mosikola ndjika. Shoka mwa ulike nena otashi hokitha notashi popi oshindji kombinga yoshilongo shetu,’’ ta popi ngaaka.
Ta ti, eyilongo lyawo hapo tali huulile mpoka, ihe naya tsikile natango ya gandje wo oshiholelwa kwaamboka taya zi konima.
Aalongwa esiku ndyoka okwa li ya ulike enyanyu, omanga yamwe ya popi kutya ondjila kakwa li ompu ashike oya thiki mpoka ya li ya hala.
“Iilonga ohanona yandje, iilonga yomegumbo nosikola onda kala noku yi kwatelwa kumwe pwaa na luthuwo, inashi kala oshipu, ashike onda sindana,” omulongwa gumwe a pandula ngaaka.