I Petronella Sibeene
OTJOMUISE
Opresidenda ya Congo ndjari mouyenda wo mayuva yetatu mo Namibia okuza kOritjavari nganduu kOritjatatu, Denis Sassou-N’guesso, waningire o Congo na Namibia oku kamburasana pomake moku neneparisa omaunguriro womaze wOvaarapa motjihuro ohongora otjitjavari mo Congo ihi o Pointe Noire.
Pombongarero pokati kovanane vomahi inga ayeevari po mberoo yOpresidenda ya Namibia Oritjavari, Sassou-N’guesso watjere onganda oungure yomaze yehindi, o CORAF, maiyenene oku yeneneka ouhepe wo maze womahi ayeevari inga. Wina Opresidenda ondjenda indji yanangere o Namibia okuripurira komarandero wo zongune ko Congo. “Ete tuahanewa iyo Angola uriri. Pena ovina ovingi o Congo mbi mariyenene okuranda ko Namibia mu muna omahundju nonyama,” watjere.
Nandarire kutja omaunguririo kuwme pokati komahi inga yauta motjirwa tjongutukiro, ozongondjero zo marandasaneno wovina na mbyatjama kuvyo ongundi. Opresidenda ya Namibia Hifikepunye Pohamba watjere kombunda yongutukiro yehi mo 1990, omahi ayeevari inga yaraisa ombepo imwe yomazuvasaneno worutu romaunguriro kumwe posyo ngamba kapena ongondjero yakarapo kutja omazuvasaneno inga yerire omana vihape.
Pohamba wayandjere ondunge yokutja omahi ayeevari inga yekondje kutja omazuvasaneno inga ye yarukirwe nu yetuirisiwe mu Kozonjanga ombura ndjimaiyende muno. “Ongono indji maiyeta epuriro rokutja hapo omahi ayeevari inga kayeri menyando?,” watjere. Wawezire ko kutja ohepero kutja omahi ayeevari inga yepasane oumune ohunga no ku pupaparisa o u kaiya nawina okuvirura ovipuite mbiri mondjira yo ku pupaparisa mekurisiro kehi ngeri momahi ayeevari inga. Ihi matjiyenene okutjitua okupitira mo maunguriro kumwe motupa peke peke omahi ayeevari muyena ondero mu muna otupa tjimuna rotutumbo novikunwa, omarandisasaneno, ozongoporo, ovaryange, ouveruke nomahongero muvyarwe.
Ombura ndjazuko mu Seninani Pohamba wa karyangera o Congo pa katuako omunwe kembo ko mazuvasaneno no ma itaverasaneno hamboumwe.
Waningirire ozohoromende azeembari inda okupamisa ongondjero yazo no no ku kotovarisa no ku parangisa ovinenge mu za i taverasana.
Sassou-N’guesso wa raisire omwii hamwatima we ohunga no mahi ayeevari inga mo mbutarero yawo okuhina oku hakahanisa ongurisiro yombwiko okupitira monduvasaneno indji kuya tua omunwe kembo orukapita veze.”Ngatuzuvasane imba kutja matuyenene okuhakaena vi aruhe okutara mu mbikenda omahi ayeevari,” watjere. Wa ryamene komurungu natja o Namibia no Congo maye yenene okutara motupa mu ma yesora okuungura kumwe. Muto muna ovitoore, omahongero, ovize momuronga, omarandisasaneno nozongoporo. “Otjina otjinene tjitja seuako okutua mo maunguriro imbi mbitua zuvasana. Okuza ko 1991 tua tua omunwe kembo ko zo nduvasaneno posyo ka naa tukaondja komurungu no kutua omunwe kembo tuasere okutjita tjimwe poo tjarwe kutja atuharire ondjora,” Sassou-N’guesso watjere.
Omahi ayeevari inga tjiyazire imbo yatuiire omunwe kembo komairo wa kumwe poo omahitasaneno ohunga nOmarandisasaneno nOmaunguriro Kumwe Mombwiko, Omanyomokisiro wOmbwikiro yOtjimariva nOndjeverero watjo nOmahongero wOunongo wOvyungurwa no wo Vatjiwe.