Abraham Mwanyekange

Omushikingalo Johannes Wilbard nedina la shivika nawa Jay-Jay Khalifa The Pradise, okwa ti mokapale keengalo ote shi endifa nawa. 

Paradise okwa lombwela Kundana ta ti okudja mo 2018 eshi a tameka okwiimba eengalo mopaife oku na oAlbum imwe i li kedina laye nonh ivali okwa teelela i ka pite muNovemba neudo. 

Paradise oo ayambukile komukunda Okambebe, oshikandjohoololo Ongenga okwa ti oha imbi eengalo domaludi a yooloka ngaashi, okwaito, dancehall, Rnb nohouse. Okwa ti oalbuma yaye eyi tai piti otai ka ufanwa ‘The Power Of Empathy’. 

Moalbuma omu omo mu na oungalo ovo vapita nale nokuli ngaashi, Empathy & Remorse, You turned on the light osho yo Khonan,” ta ti.

Okwa ti moungalo ovo va pita okwa longa novashikingalo vooPenda-Fresh, Pro-Humble omanga ovatoti voikwelenge okwa longa naPro-Humble, Rodigas oshoyo Bex Carter. 

“Manga o Album ina i pita ondina okulongele kumwe novashikingalo vakwetu ovaNamibia molwaashi osha fimana unene opo tulongele kumwe onga ovashikingalo ovaNamibia ngeenge otwahala okuyambulapo eemusika detu dovaNamibia diye kondje yoshilongo,” ta ti.

Paradise ta indile opo ovaNamibia vayambidide eemusika domoshilongo molwaasho otadi yambula po edina loshitunda opo oiwana i kale ya shva noku kone ka kutya kuAfrica oku na oshilongo shi na ovanhu vanongo ngeenge tashi uya poku imba eengalo.

Okwa weda ko ta ti nonande meengalo mu na omashongo ita shuna omutwe miipeta ota twikile nokushika eengalo molwaashi ohadi denge po oudja oshoyo odili hadivelula vahapu ngee tavelihange veli momaudjuu.

-abbenghilai@gmail.com