Auleria Wakudumo 

Okaana komafiku atano oka xulifa moshiponga shomundilo eshi vati onduda ya yaka omundilo omanga ina a li pondje. Oshiningwanima eshi osha ningilwa moWanaheda, moshilandopangelo, Etitano lwopo 11h00 lwaapo. Eshi osha kolekwa komupopiliko wopolifi, Deputy Commissioner Kauna Shikwambi. 

Otaku hokololwa vati ina a fiya omona monduda omanga a li ta popi novakwao vomeumbo omo pondje eshi a ounona ve va shivifila kutya onduda oya yaka omundilo. 

Opolifi oya holola kutya oshietifi shomundilo inashi shivika fiyo opapa. 

Oshiningwanima sha yooloka, okakadona keedula 15 oka xulifa eshi ka wila mondobe yomeva eshi ka li vati ta ka kendabala okuxupifa vakwao. 

Eshi osha ningilwa momukunda Okanjose moshitukulwa shaKunene, Etitano lwopo 16h09 lwaapo. 

Nakufya okwa tongololwa oye Karikama Koruhama. 

Otaku hokololwa Koruhama a li a twala oikombo i ka nwe kondobe eshi a hanga po ounona tava danene omeva. Okwa kendabala ngeno e va kufe mo ndele ta wile mo. 

-wakudumoauleria@gmail.com