Auleria Wakudumo 

Opolifi moshitukulwa shaMusati otai kongo omulumenhu weedula dihe shivike eshi vati a ponokela, ndele ta xwike okaana olutu alishe noku ka kwata keenghono. 

Omushangwa wopolifi owa holola kutya omufekelwa okushivike, ashike ina tulwa natango moipandeko fiyo opapa nomakonakono opolifi otaa twikile. 

Oshiningwanima eshi osha ningilwa momukunda Okaku moshikandjohololo Outapi. Omukulunhu wopolifi moshitukulwa shaMusati, Commissioner Ismael Basson okwa koleka oshiningwanima eshi. Basson okwa holola kutya eedula dokaana inadi shivika natango ashike oke li koshi yeedula 16. 

Otaku hokololwa omulumenhu a xwika okaana molutu alishe, te ka denge noku ka kwata keenghono. 

Opolifi oya holola yo kutya omufekelwa ina longifa omalodu pefimbo a longa oshiningwanima eshi. 

Omufekelwa okwa patululilwa oshibofa shekwatokeenghono osho yo shomahepeko ounona momaumbo. 

-wakudumoauleria@gmail.com