Muňoli: Mathias Haufiku
Rundu- Yo muhulu wa sipokola mwa naha mutopehi Sebastian Ndeitunga na ize ku zwa kacenu batu mubiza ka libizo la “Sebastian ‘kakochi kaka kuswani’ Ndeitunga” bakeňisa maikuto a batu fa likochi ze kuswan,i ao na hapile maikuto a batu kwa makalelo a silimo se.
“ Kacenu le libizo laka la bubeli kina “ka kochi kaka kuswani” ili libio leli zibahala ahulu mwa hala ba baca , kono nili mulena uba swalele ha ba zibi seo se ba sieza” kubulela Ndeitunga, kwa mukopano ono felize mazazi a mane koo ba bahulu ba lizamaiso za sipokola ne ba kopanezi ili mwa tolopo ya Rundu mwa viki ye felile.
Mazwi ahae natisize kuli lindumeleti zene li kwa mukopano li sehe ahulu kakuli na zwile mwa zila a mazwi ahae ana itukiselize. Niha kuli cwalo na kupile sicaba kusa sheununa nga batu babatisa lika ze yahisa naha.
Kwa makalo a silimo se makorata na bihile kuli mutopehi Ndeitunga naize, u ka tama ni kubeya musali kaufela yaka fumaneha inge a tinile sikochi sesi kuswani kapa siapalo sesi bonisa mapunu. Kasa mulaho ali poniso za batu babayemela muhupulo wa kutina likochi ze kuswani, mutopehi Ndeitunga na tile fa pila batu kuto bulela kuli, mubulelelo wa hae ne usika utwiwa hande ki ba bihi ba makande. Piho ya likande ne cicize mi ne ni sika bulela taba ye ni ziba kuli ika ntuka liswanelo za basali, ku bulela Ndeitunga.
Taba ne zwile bakeňisa kozi yene ezahezi kwa tolopo ya Rundu koo basali ba mashumi a mane ne bakile ba tamiwa bakeňisa kutina litino ze supeza mapunu a bona, mi mutopehi Ndeitunga na kile a memiwa kuli a fitise ma ikuto a hae fa taba yeo.