Kaikhâi ra ╪khamkhoen nēn hîa dīn nî xū-e koma ūhâ tama is xa !aromahe hâse ׀hawe׀hawesenūn nî xūna ra ôaman ge !nāsa ║aega ╪uruo!nâ, ╪hanuo!nâ tsî !khâisa ║axasin !nâ sī ra am!nâxa. ║Gausen-i rasa !oan ge nētsēs kaikhâi ra ╪khamkhoena !nāsa ║aeba ūhâ tsî ׀oro !ereamxasib tsî kō!gâhesa ai!âkam ║ae!gâs ׀khats ga ׀gowe׀nō o ūhâ. ║Naetisase ī !khais ge nē ╪khamkhoenats ║ama╪harugu!khaigu, ╪û!khain tamas ka io mâpas ׀guis ka xawen ║îna nî !gâi!gâisen !khain tawan ra hâmase ra mûsa. !Nāsasen ge ║nā !gâitsâsens !aroma ra hâma xawe ׀nî ║aega !gomsina ra ╪oaxa nē hâde xu.
╪Gui !gôab !nâ hâ ╪khamkhoen hîa mû╪amo!nâse tsî ׀guri ra hân ge ׀nîsi ╪âihe rasa !oa ׀aokhoen !garo!ā ╪oa!nâdi, tsî ╪harugun hîa ׀guri║gûsisa ra !aroman ׀kha a !gae║arehe ║khā. ╪Gui ╪khamkhoen ge ai!âkam -║aegu !nâ !garo!ādi ai sâ║aegu !nâ gere sī huisîsen tamas ka io ׀aokhoen ╪harugun !nâ gere sîsen tsî ║nās ׀kha ║aeba ╪hanuse tsî ╪hanu !aromadi ai gere sîsenū. ║În ge hoa║ae kai khoe-i mû╪ams !nāga ge hâ i tsî ║nÆs !nâ ╪hâhâsasa ║khāsiga gere ║khā║khāhe tsî ║nās ׀kha ama tama xūn !nâ !âs ║ae-e ge ūhâ tama hâ i.
Nētsēn ge !nāsa ║gûna omaride xu !nūse sī ra sîsen╪oa tsîn ge !nāsa ╪khamkhoena ׀guri mû╪ams ose ra hâ. Noxopa hâs ge ׀gurihâ ║gûn tsî ║khāti ׀gamse hâ xawe hoatsama ra sîsen╪oa ║gûn tsîn ge ╪hâbasa mû╪ams ║ae-e ūhâ tama hâ ╪khamkhoen ra ūhâ ║axasin ╪ama.
╪Khamkhoen ge !norasa -║aeba ╪hâba hâ ║în ׀hōsan ׀kha !gâi!gâisens tsî !gâia╪gaos !aroma. ║Khātin ║îna nî ╪anse ī !khais ge mâtin ׀gau ra, !gâi tsî ║khoaba a mā -║khā -║axasina a hōbasen ║khāsa. !Norasa ║aeba xun ║îna a ║khā║khāsen ║khā !khais ge ╪hâ╪hâsa ║axasin ║înan ║în kaikhâis !nâ nî ╪hâbase ina. !Hausens ae ī nētsēs ╪khamkhoen !aroma !khais ge !nāsa !norasa ║aeba ūhâs !gomsina ra ║orasa. Hoa ╪khamkhoe taman ge ║nā ║khāsiba ūhâna ׀gau ra, !gâi tsî ║khoaxa ║axasina hōbasens diba ║în ga dīn nî xū-e ūhâ tama a ī ║aegu !nâ.
Mā, ╪kham kaikhâi ra ╪khamkhoena ׀ō-aisa !ereamdi tsî omaris sîsenga. ╪Gao╪gao!nâ kai kaikhâi ra ╪khamkhoena in mâi╪uidi !nâ ra dīhe sîsenna ôa tsî ׀hawe׀hawesen. Sîsenn ge !ēde ra mā, ׀khara khoen ׀kha ׀hao, ׀asa ║khāsina ║khā║khāsen tsî sa hō╪gāsa hōbasens tsîna.
!Urus: http://www.education.com/reference/article/Ref – Teens-Free-Time/