Matheus David

Mayola woshilando shaWindhoek Ndeshihafela Larandja, ota kunghilile oshiwana shikwatele po oukolele washo nokulongifa omeva nofewa. Eshi okweshi popya poshivilodimbuluko shefiku loundjolowele nonghalonawa, osho sha ningwa mEtine poCity Functional Hall moWindhoek.

Larandja okwa twa Ovanamibia aveshe omukumo va ninge ovakoshoki. “Omake mayela otaa kala eameno letu lanakupwe moku keelela omikifi neembakiteli danyika oshiponga. Efiku loukoshoki noundjolowele ohau dimbulu kiwa kounyuni aushe momafiku15 Kotoba.

Edilaadilo la Larandja ola xwaxwamekwa kwaashi Namibia e lihonga kombinga yomaupyakadi opaundjolowele – kudja momukifi woshimela, fiyo oko Covid-19, nomauvela makwao ngaashi oudu wexuli. “Ekalekepo loundjolowele oshinakuwanifwa shakeshe umwe”. Larandja ta yeli fa. Keshe umwe kudja ngoo kounona fiyo ovakulunhu ota dulu ku yandja oshiholelwa shiwa.

Omukalelipo woshilongo mehangano loUNICEF, Samuel Kweku Ocran okwa ti oku kosha omake okwa fimana. “Omaumbo ashike o45 omomaumbo eli 100 moNamibia e na ofewa yoku wapaleka eenyala. Eshi osha etifa eelopota dovanhu vena oshimela vedulife 184 000 keshe kodula nonghundana yomafyo 719 ounona veli koshi yeedula nhano” Ocran tati.

Okwa popya kombinga ye faneko lexumokomesho lomo2030 melongelekumwe noUNICEF, eekansela osho yoo National Development plan-6 moku shuninifa pedu ondado yoilongifomwa  youkoshoki.

CEO woshilando-pangelo shaWindhoek Moses Matyayi okwa yelifa kutya ekalekepo loshitunda  sha yela oshinakuwanifwa sha keshe umwe. Okwa hepununa eendjovo dadja mombiibeli membo laIsaiah tadi ti, Ovanhu ova pumbwa va kale ve udite etumba koshilandopangelo noku shi kaleka po.  

 “Okukala ependa mokukosha omake ota shi ti, oku li fila oshisho ove mwene namukweni. Oinima ishona ota i kaleke po oshilando shayela noshihokwifi”.  Larandja ta ti.

-matheusshitongenidavid@gmail.com