Kansela mukulu woshikandjohoololwa shaTsumeb Gottlieb Ndjendjela oo a yandja oshapi yombelewa kukansela mupe woshikandjohoololo okwa ti, okuyandja oshapi yombelewa osho yo oshipundi kOmukwaswapo mukwawo osho sha kala ondjodi yaye. 

Eshi okwe shi popya pefimbo a li ta yandje eeshapi dombelwa kukansela mupe waTsumeb Matheus Hangula. 

Ndjendjela okwa ti eshi okwe shi popya nale komesho yoshiwana kutya, ka li ta ka yandja oshapi komunhu adja kongudu yomhilameno. “Eshi onde shininga shaashi eendjokonona okudja ashike pekondjelomanguluko onda kala nokuhokolola kutya oshikandjohoololo shaTsumeb itashi lelwa komunhu ehe shi Omukwaswapo,” ta ti. 

Okwa ti ye okwa kala nokulela oshiwana shaTsumeb nombili, nelongelokumwe osho yo noudiinini, nokulela she likolelela komushangwaudaneko woSwapo. 

Ndjendjela okwa twa omukumo nokulombwela Hangula kutya eshi e ya ku lela, na lele ongomuleli a tumwa koSwapo e uya a kwafele oshiwana, yee ta lele yo e likolelela komushangwaudaneko waSwapo ngaashi ovaleli vakwao ava va dja koshipundi. Okwa ti na lele yo nombili, osho yo nohole komutima, ye ta tula eemhumbwe dovakwashiwana moilonga. 

Hangula oshinakuwanifa shombelwa okwe shi tambula ko nomaoko aeshe, nokwa udaneka kutya moule weedula nhano odo a teelelika a kale koshipundi, ota ka longela kumwe novanhu osho yo okutula omadiladilo avo kumwe, noku ka kwafa oshiwana ngaashi a taleelelika. 

taimihaihambo2000@gamil.co