Kansela gwoshikandjihogololo shaKeetmanshoop shokuushai, Willem Labuschagne ota ti ongundu tayi pangele kayi na shoka tayi vulu okuninga po opo Namibia a adhe iitengenekwa yokomumvo 2030, ngoka wuli owala omimvo hamano komeho oshoka oya ndopa nale oku shi ninga momukokomoko gwomimvo 34 dha ka dhilongela.
Pethimbo lyoshitushityapulo shemanguluko sha li ko mOlyomakaya, shoka tashi ningwa ethimbo lya pitilila, Kansela nguka gwongundu yoLandless People’s Movement (LPM) okwa yembe nokupula kutya Namibia ota ningi ngiini oshilongo shi na oofaambulika ngele uuministeli wiipindi noofaambulika owo aluhe hawu mono okamaliwa okashona oku za komutengenekwa muyalu gwepangelo.
“Otwa thikamene tu li ompinge nomutengenekwa thaneko woobiliona N$7 nogwobiliona N$1.4 ndhoka dhali dha pewa uuministeli wegameno naandhoka dha pewa oonakulwa aakulu, omanga oshilongo kaashi li nande omomatilitho gasha ga nika iita, omanga uuministeli wiipindi tawu pewa owala oomiliona N$300 dhowala wala, manga ku na wala oomvula haamano koVision 2030,” ta tanguna ngaanka.
Labuschagne ta ti emanguluko ola li ondjondhi onene, yuudha omandhilandhilo ogendji omawanawa ngaashi uukumwe, uuyuki nomauvaneko kotu eta po oompito dhiilonga, omalukalwa, uuhaku nonkalonawa, etopolo lyevi, ashike konima yomimvo 34, ondjondhi onkene yili wala ondhi -sigo okeluwa ndhika inayi koka.
“Natango otu li kokule nuukwao wanankali nuukumwe, emanguluko nuuyuki, moshilongo kamu na uuthikepamwe kehe mpoka toyi, iiputudhilo yopaumwene noyaayehe shigo onena kayi na uuthike pamwe wAanamibia ayehe,” Labuschagne ta ti.
Omuleli gwongudu yoLPM Leader, Bernardus Swartbooi ngoka naye a popi pethimbo lyoshiindingili shoka okwa ti Namibia okwa pumbwa oku itula mo moku homateka aantu nonteyo oshoka aantu oyo taya vulu oku kokeka eliko. “Epangelo ngele olya pe aantu iimaliwa nande oongunga nontseyo opo ya vule oku lundulula oonkalamwenyo dhawo,a kehe gumwe naangoka kwali a tali ka ko iha vulu oku eta sha, naye otaka eta po sha. Itatu kala owala ta tu tula iimaliwa momatungo, goo omatungo ngele ga tungwa po otaga pula oku silwa oshimpwiyu shoku longololwa konima yomimvo ntano. Otwa pumbwa aakwashigwana mboka taya vulu oku valitha oosenda 10 dhi ete po oN$100,” Swartbooi ta ti.
Okwa gwedha po wo kutya okwaaha putudha nenge oku kokeka aagundjuka patseyo oko taka xwaxwameke omahepekathano gomomagumbo noguukashike ko okantu moshigwana. -Nampa