Charles Ndeumane 

Omupopiliko gwopaliamende yaNamibia Profesa Peter Katjavivi ota ka kwatela komeho osheendo shiilyo yopaliamende yaNamibia okuya komutumba gwopaliamende yopaigwana tayi ithanwa Inter Parliamentary Union (IPU). 

Opaliamende yaNamibia oya tseyitha kutya otayi ka tuma iilyo yayo yimwe yi ka kuthe ombinga momutumba gwopaliamende yopaigwana ngoka tagu ka kala koshilando Geneva shaSwitzerland okuza 13 sigo 17 October 2024. Iilyo yoopaliamende osho wo aaleli yiilongo yilwe muuyuni otaya ka kutha ombinga momutumba moka. 

Shi ikolelela kuuyelele mboka wa pitithwa kopaliamende kepandja lyayo lyopaungomba, osheendo shiilyo yopaliamende yaNamibia otashi ka kutha ombinga miikundathanwa ngaashi oshinakugwanithwa shopaliamende mokukeelela omakondjithathano molwoonzo dhopaushitwe, ehumokomeho tali opalele omudhingoloko, osho wo etopolo lyoshilongo shaPalestine shi ninge iilongo iyali. 

K a t j a v i v i o k u l i o m u p e v i p r e s i d e n t e gwokangundu taka kondjitha okweeta po ombili miikolokosha mbyoka yi li pokati kaRussia naUkraine, nokwa tegelelwa wo a ka kuthe ombinga moonkundathana dhokweeta po ombili miilongo yopokati-uuzilo. 

Omutumba ngoka ogo gumwe gomiigongi yopaigwana yopaliamende yahugunina moka Katjavivi ta ka kutha ombinga ongomupopi gwopaliamende. Okwa tegelelwa a ka kuthe ombinga moonkundathana adhihe momutumba ngoka oshowo omi s anda l andu dhokuwi l i k a i ipambe l e yopaungomba ndhoka tadhi ka tulwa po momutumba ngoka. Iilyo yopaliamende mbyoka tayi ka kutha ombinga momutumba ngoka omwa kwatelwa Vincent Mareka, Mar ia Kamat i , oshowo Loide Kamati okuza komutumba gwopashigwana. Omanga kOlaata yomutumba gwopashigwana taku zi Victoria Kauma, Emma Muteka, Paul Isaak, osho wo Alfeus Abraham. -mrndeumaneraycharles@gmail. com