Katulo mwa taba muuso uzekiswa kalikakalezo zakuhana kutolokela sicaba hala buiketo bwa mupendo wa Covid-19 one ufilwe nako yakuzuha kwa butuku isizwe kwapili. Labulalu, Mubakweli Muetelil wa Baatuli Hosea Angula naisize katulo la 25 Mbuwana. Naize kuiswa kwapili kutaha kabaka la litaba zeñwi zañambekelo khuta nekupile kwa maneku amabeli. Zeo neli ñolisizwe la 31 Kandao.
Angula uswanela kuketa kana uka hapeleza muuso kapa awa, Mueteleli wanaha, likolo la makete, likolo la tuto, Muyemeli wa Muuso, ni katengo kakazamaisa za milyani mwanaha kufa libata ni kone bazifumani, hape bazibisize sicaba kuli mupendo wa Covid-19 nosina kozi kubelekisa kwa batu bane bakula matuku alilama za mwahali nikuli nosileleza kukula hahulu, kulobazwa mwasipatela, ni mafu kasamulaho akuyambula butuku bwa Covid-19, kasamulaho akukupiwa kikatengo kakalwanela zamakete (HDL).
Katengo ka HDL, kakayemela batu ba 537 ni limembala za Monika Ruppel, Manfred Jochen Fortsch, Werner Gertz, ni Paul Du Plessis babata hape khuta kupatalaza kuli keto ya muuso ya kulumelela mupendo wa Covid-19, Pfizer/BioNTech kusebeliswa kwa sicaba ni hane usika ñoliswa hala milao yetalima sebeliso ya milyani ne fosahezi. Kuekeza khuta iswanela kubeela kwa tuko mapampili alilulula muuso kwa mafosisa sikwata nesi nyatezi pili basika pendiwa kale.
Sikwata hape sina ni maikuto akuli taba hakiya kuli mupendo kiomunde kapa umaswe, kono kitaba yakuzibiswa kuli batu ba eze buiketelo inze baziba, ni tokwahalo yakuli muuso ubona kuli litaba zeo lizibiwa ki sicaba. Kono muuso ulumela kuli una ni maata kasamulaho aku amuhela litaba zeama mupendo kasepo akusa patalaza litaba zeo kufitela balumelelwa kibapangi bamupendo. Kuekeza fo, maikuto asikwata akutumbula lingambolo hala mupendo wa Covid-19, ili taba yefitelela museto wanaha Namibia hala kamaiso ya mipendo.
Muuso ubulela kuli litaba kaufela zene kupilwe kisikwata zafumaneha mi zeñwi neli patalalizwe kikatengo kakabona zamakete alifasi ni likolo la makete. Kuekeza fo liketo za mipendo yene sebeliswa mwanaha Namibia neli ezwa kakulatelela bupaki sakata, nikunyatisisa lipiho kuzwelela kone ifumanwa milyani. Sikwata siyemelwa ki Raymond Heathcote mi Tinashe Chibwana uyemela muuso.