Olunos
Komesares–Xenerali Namibiab Dī-ūnusens !Oabadi dib ge tsūdī-aona ge ǂgan in ǁîn di ǂkhawadīga ǂgurose ǂan!gâ tsî nēs !nâ-ū ǂhanu huiba !khō!oa ǁkhā dī-unusens !aroma. Komesares–Xenerali Namibiab Dī-ūnusens !Oabadi dib, Raphael Tuhafeni Hamunyelab ge ǂoago wekheb Mantaxtsēs ai Oluno Dī-unusenås !Oabas tawa ǂkhawadī-aon tsî !khōsabeån ǀkha gere !goa. ǁÎb ge ge mî, Namibiab Dī-unusens !Oabadi ra !norasa !khaiba ǂkhawadī-aona māsa tsîn sîsenni mâisana huib !aroma ǀgūse hâsa ǁnān hîa !hausen ǁîn dīgu ǂama tsî oresa ra ǂhâban !aroma.
Hamunyelab ge ǀaokhoen nē !khōsaben din ais tsîna ǂgansa gere dī, in ǁîn di ǀnamsabena sī sari tsî ǁgamū, nēb a ǀgui ǀgau nē khoe-i di dī-unusensa a !hae!hae ǁkhā-e amaga. Hamenyelab ge ra ǂgom, dī-unusens di daob nî supusa mâ !khōsabe-i hoa-i ga ǁî-i di ǀaokhoena xu ǂkhâ!nâsa nî hōs karao tsîn ǁîna ǀaokhoen ǀkha ǂhâbasa-i karao !hûǁaresa nî ūhâsa nē khoe-i di dī-unusensa hui!nâs daob ai. ǁîb ge ǂkhawadī-aona ge mîba kaise i Dī-unusens !Oabasa a !gombasa ǁîba hui!nâsa ǁîn di !ûǂamden ga ǂan!gâ tama a io.
“Sats ge dī tsūdīb ge ǂâibasen tama hâ sats a tsūdīxa khoe ǀhûhâsib hîats ǁan!nâ hâb !nâ ti,” tib ge ge mîba ni. !Aruǀîb ge ǁîna ge ǂgan in tsōdīga ǂan!gâ tsî māsenxase ǁkharaga sîsenǂui tsî nēs khao!gâ ǀhûhâsib ǁga ǀkhara hâ khoese tsî ǀhûhâsib !nâ ǀkharaǀkharasensa ra sī-ū ǂgao khoese.
“ǂNīsasib ǀkha ǂan!gâ sa dīsāde tsî ǁgui-aihets ra ǁkharaba ǂnoaseno!nâse dīǂui tsî nēs ǀnâ-ū dī-unusensa daosa ǁkhowa-amba. Sats ga aitsama a !gôasen o ǀguits ge ǀhûhâsiba a !gôa ǁkhā tsî sats tsîna xū-e ǀhûhâsib !nâ ǂâibasen hâse ra tsâsen.
Tā nēpa ǂnû tsî ǁaeba ǂkhôa îts māhe ra dī-unusens ǁaxasin tsî !oabadi !nâ ǁhao” tib ge gere ǀawemā ni.hamunyelab ge nē sarisa !khōsaben tsî !oaba-aona mâtin !oabade a ǀkharaǀkhara ǁkhāsa ǀgoragus !aroma ge sari hâ i. Nēs khao!gân ge !khōsaben tsî !oaba-aon tsîna !ēsa ge māhe ūn hâ dīn !gāsasiba hōs diba. ǁîn gere !gaesens ge ǁnāpan ǀnî wekhega ǁgam-i !nubusib ǀkha ra ǂnûsa tsî komisareba ge ǂgan, in !oabadi !khō!oan rade kō!gâbahe. Olunos Dī-unusens Senters tawan ge 547 !khōsabena