Xoa-aob: Mathias Haufiku
׀AEǁGAMS – Kairan, !khōsaben, !gunin tsî suwuse tsâ|khāsa !hū║în hoan ge mario!nâ ╪urusib !oabade !hūb a ╪habase hâ ╪hanub │ae║gâudi tawa nî !khō!oa. Nē mî║guib ge ╪oago kurib !nâ |uniga ╪nûs Kabinets dis tawa ge ūhe. Ministeri, ╪Urusib tsî |Hûhâsi !Oabadi dib, Dr Richard Kamwib ge nē mî║guib nî sîsenxa kaihe !khaisa ╪oago wekheb di Denstaxtsēs ai ge ║awo║awo.
Ministeri ge ge mî, |nais ge ∥îb ministrisa nē ao∥guiba dī tsî xoa∥guib ase ūhâ isa, xawen ge -‵îb sîsenaon |guina matin nî sîsentsoatsoas di !gomsib |kha ╪nôa-i !khaisa. ╪Gui !nādeb ge Dr Kamwiba ╪haitsise gere ╪gan, in tā khoen hîa tsâ|khāsana |ae!khō!oabade mātare kaihe.
Nēsisab ge nē xoa∥guiba |oasase nî sîsenxa kaihe tib ge ge mî. Kabinets nē xoa∥guiba !khō!gâ hâ !khais tsîn ge |nai nē ministris sîsenaon hoana ∥nāti ī sî╪nami╪khanide a hō !khais nē xoa∥guiba sîsentsoatsoa kais ╪namipes ge, !onkhao-i oseb nē sîsenna nî tsoatsoasa nî ∥awo∥awo tib ge Kamwiba noxopa ge mî.
Nē xoa∥guib ge ╪hanub |ae∥gâude ra sîsenū khoen !aroma |gui a sîsenxa. Kurib tsoatsoas !nâb ge ∥îb di kurikorobe haisi-amsa ∥îb sîsenaon hoa 13 |kharigu !nâ hâna gere mā soab ais tsînab ge Dr Kamwiba ‵-îb sîsenaona ge ╪gan, in tā khoena |ae!khō!oabade mariosib !aroma mā tama i di. ∥Khā ∥axasib tawab ge ministera ∥nāti ī marisihuib hîa ╪hanub |khāba xu hâb hîa ׀nîkhami ī ∥ōn hîa Namibiab !auga hâ |ae!khōsa nî ╪hâban !aroma mātares !aroma hâs tsîn xa gere gowa.
Nēti ī ╪gaes ge |gū∥ae |gui a ╪nuwihe ti hâ ╪goms tsî mî!nôan aib ge Kamwiba ge mî, |nais ge marisa |orose gere ╪nûi╪uihesa ∥nā !nôa mâsigu hîa !hūb !nâ hâ |aedī-aon xa a |ae!khōhe ∥oan !aromasa. Nē maris hîa ╪hanub kāsa xu nî |arobahese ge īs di marin ge ╪oago kurib !nâ |gui |oasase ge dīhe tsî ∥nā-amaga nē ╪gaesa ge |gai|gai.
Mari╪nûi╪uis ∥nā !nôa |gaisa ∥ōn !aroma hâs ge a N$10 miljun tsî ∥nā khoen hîa ╪hanub |ae!khōde xu ûihân |guin !gâi!gâb kōse nî hâ.