Charles Ndeumane
ONGWEDIVA – Aamati aakwashigwana yaAngola mboka ha ya ende ta ya landitha omayi oya mona kutya okweenda iinano ya shune komagumbo yaka teleke otaku enditha ongeshefa kashona, ngashingeyi ohaya telekele ashike omayi gawo kehe mpoka yamono ompito
Molwaashoka anuwa otashi mana po ethimbo oku shuna komagumbo yaka teleke omayi yo ya shune yaka landithe, aamati ngashingeyi oha telekele ashike momapandaanda opo Ongeshefa yiye komeho mbala ngaashi tashi vulika.
Omunamimvo 23 Santinho Shikwaya okwa ti oha ethimbo limwe oha kala eli kokule unene negumbo noku shunako aka teleke.
“Ohandi kongo ashike ondooha onene ngaye tandi kongo opomba yili popepi ndi teke po omeya. Kehe ethimbo ohandi ende nokapalwa, opo ngele omayi gapupo ndi teme ashike omulilo mbala ngaye ndi longekithe Ongeshefa yandje etandi shuna momapandaanda ndika longe oshimaliwa,” Shikwaya ta ti.
Okwa ti kaye wete shi na uupyakadhi washa oku temena moluhwa oshoka ohaya kwashilipaleke kutya oya hedha kokule naampoka puna aantu opo kaaye ya ningile olwithi, yo ishewe ngele ya mana ohaya dhimipo omulilo gwawo opo kaa ya ete omapeya.