Languages, Silozi

Kopano ya Swapo yatula mwa liketisa mwa Zambezi

2025-12-012025-12-01By Aron Mushaukwa
Kopano ya Swapo yatula mwa liketisa mwa Zambezi

KATIMA MULILO – Kopano ya Swapo ne ezize hande mwa liketisa za Milonga ni Milonganyana mwa sikiliti sa Zambezi. Mwa liketisa za milonga kopano ya Swapo nekonile kutula mwa lilalanda ze supile hala lilalanda zelobapeli.

Mwa sillanda sa Katima ya Tolopo Kennedy Simasiku nakonile kutula ba ipapati babañwi kakufumana maboti alikana 4 063, nalatelezwi ki muipapati wa NDP Prinslow Musweu yana fumani maboti alikana 688, wabulalu neli Charles Musiyalike wa IPC yana fumani maboti alikana 495.

Mwa silalanda sa Sibbinda Matengu Nkando wa kopano ya Swapo natuzi kakufumana maboti alikana 2 474, nalatelezwi ki Nicky Numwa wa IPC yana fumani 414, wabulalu neli Vincent Kalikañwi wa NDP yana fumani 344.

Mwa Kabbe ya Mbowela Raymond Sezuni wa Kopano ya Swapo nafumani maboti alikana 1 473, Julia Silishebo wa IPC nafumani 150, mi Zambwe Mataengu wa NDP nafumani 42. Mwa Kabbe ya Mutulo Bernard Sisamu wa kopano ya Swapo nafumani 1 134, Mutanimiye Lifumbela wa IPC nafumani 576, mi Allen Mwilima wa NDP nafumani 131.

Mwa sillanda sa Judea Lyaboloma Vincent Sinalumbu wa kopano ya Swapo nafumani 1 089, nalatelezwi ki muipapati yana ikemezi Humprey Divai yana fumani 714, muipapati yomuñwi yana ikemezi Morvern Mukwata nafumani 406.  

Mwa silalanda sa Katima ya Matakanyani Denis Mukena wa kopano ya Swapo natuzi kakufumana 2 335, nalatelezwi ki Petra Sinkolela wa IPC yana fumani 306, mi wabulalu neli Jimmy Lilungwe wa NDP yana fumani 165. Mwa silalanda sa Linyanti Progress Sipapela natuzi kakufumana maboti alikana 1 499, nalatelezwi ki muipapati yana ikemezi Ivene Kabunga yana fumani 1 438, wabulalu neli Michael Tiyeho wa IPC yana fumani 254.

Mwa silalanda sa Kongola Muipapati ya Ikemezi Bennety Busihu naketilwe hape kakufumana 1 270, nalatelezwi ki Ace Mutelo wa kopano ya Swapo yana fumani 1 232, wabulalu neli Dericky Tembwe wa NDP yana fumani 391. 

Mwa liketisa za milonganyana mwa tolopo ya Katima Mulilo kopano ya Swapo nekonile kufumana lipula zeketalizoho, kopano ya NDP sipula silisiñwi ni kopano ya IPC sipula silisiñwi. Mwa liketisa za milonganyana kwa munzi wa Bukalo kopano ya Swapo nefumani lipula zetalu, NDP sipula silisiñwi ni PDM sipula silisiñwi.