Ethimbo lyomatango manene Aanamibia oyendji ohaya kanitha oomwenyo dhawo okupitila miiponga yiihauto nomadhipagathano, niimbuluma ohayi indjipala. Opolisi, oya kumagidha aakwashigwana taya ka talela po aakwanezimo lyawo kiitopolwa ya yooloka, opo ya tale nawa nokwii utha komadhidhiliko gomoondjila okuyanda iiponga hayi holokaunene pethimbo ndika.
Opolisi oya kumagidha, aahingi kaaya hingilile, yo kaaya hinge ye li kohi yomaluvu nenge ya vulwa.
“Omimvo dha pi ti, pethindika lyomatango omanene, oyendji oya kanitha oomwenyo, ihe olwindji ohashi holoka ko kwaha landula omadhidhiliko gwoomondjila,” opolisi ya popi ngaaka.
Opolisi tayi ti, okuhingilila itaku ti, okuthika. Nonando oto shingi kashona owuna okuthika ashike. “Hinga nawa omolwa egameno lyoomwenyo wa humbata.”
Uuna oshiponga sha holoka mondjiila dhenga konomola yopolisi 10111 nenge MVA 0819682. Natango oya kumagidha oshigwana shikale sha kotoka, oshoka ethimbo ndika aafuthi oya tegamena okuteya omagumbo omanga oyene taya ka talela po kiitopolwa yimwe. Opolisi oya kumagidha omagumbo ga kale ge na omukeeleli ethimbo alihe, oshowo kaaya ikalele oyo ayeke momagumbo.
“Omutenya omalamba naga kale gadhima oshoka aafuthi ohaya hilwa komalamba shoka tashi ya pe kutya kamu na omuntu megumbo,” ta yi ti ngaaka.
Opolisi oya kumagidha oshigwana shikale mekwatathano ewaanawa naashinda shawo opo ya kalelathane po uuna ya mono omayinyengo gapuka.
– vkaapanda@nepc.com.na