MEMBALA wa sisole sa naha, yana sebeleza mwatolopo ya Rundu neli yo mun`wi wa batu ba lalu bene ba timezi mwakozi ya fa mukwakwa yene kile ya bela ten`I kwaOshikuku sunda ye felile. Bene ba timezi neba kile ba ciswa ki mulilo kaufeela bona, ili mulilo ono tisizwe ki yona kozi ye swana. Mupokola yo muhulu wa sikiliti sa Oshana, chief inspectior Golden Naanda na kile a bulela kuli bene ba timezi neli Monica Nuusiku yali mubeleki wa Likolo la Njimo, Mezi ni Limela kubeya mwanana wa lilimo ze supile yana kilwe a zibahazwa ka Amoomo Joseph. Kozi ya fa mukwakwa ye, yene ezahezi ka hola ya 16h30 fa mutano oli mwaOshikuku muta mukwaezi yo mun`wi wa simbayambaya se si tuna a lika kutula simbayambaya se sin`wi inge a sika bona kale simbayambaya se sin`wi sene si taha kwapata mi ka ona mafosisa a, simbayambaya se si tuna kapa yona truck ne kile ya icaisa ni simbayambaya nyana se, sene si zibahalisizwe ka Mazda Drifter. Mazda ya lin`olisa la simubuso, N4917RU ne tukile ona fo feela. Truck yona kiya lin`olisa N9860SH, mi ne zamaiswa ki Leornard Kiimba wa lilimo ze 29. Kimba hamohocwalo ni yo na zamaya ni yena, yana kilwe a zibahazwa ka Victor Lomba banze ba sweli kuno fumana likalafo kwa sipatela sa Ongwediva Medipark. Naanda na kile a nitifaza kuli kamaniti batu babeli ba bene ba zamaya mwa truck banze ba sweli kuno fumana likalafo mi mwanako ya cwale balatiwa kapa mabasi a batu bene ba kilwe ba tobelwa ki balatiwa ba bona ba, neba kilwe ba zibiswa kale.