OPUWO– Ondjala yaHosea Kutako okumona naNamibia lya manguluka oya hwahwameka Aanamibia oyendji ya wayimine ondjila yekondjelomanguluko nelalakano lyokuhanganitha Aanamibia ayehe. Ndhika odha li dha thamunwa Presidente Hage Geingob pethimbo lyoshituthidhimbulutho shomimvo 50 sho omukwaniilwa gwAaherero Hosea Kutako a li a hulitha, oshituthidhimbulutho shika osha li sha ningwa mOlyomakaya.
Momushangwapitithi ngoka gwa li gwa monika koNampa mOlyomakaya, Geingob okwa li a ti kutya Aanamibia oya li ya thikama noku adha elelakano lyemanguluko oshoka oyendji oya li ya landula moompadhi dhomukwaniilwa Kutako osho wo yalwe.

Nena otatu otatu simaneke, osho wo tatu dhimbulukwa gumwe gwomAanamibia ya simana ngele tashi ya kekondjelomanguluko, omukwaniilwa Hosea Komombumbi Kutako,” ta ti ngaaka.
Geingob okwa li a ti kutya Kutako okwa li gumwe gwomaatameki okukondjitha Aandowishi, ye natango okwa li wo a hupu momadhipago ngoka ga li ga ningwa mo1904-1908, nokwa li natango e li ompinge nekolonyeko lyaNamibia kuSouth Africa.
“Namibia sho a manguluka mo1990 nokwinithikamena muuyuni, limwe lyomomalakanao gomukwaaniilwa Kutako olya adhika,” osho presidente a ti ngaaka. Ta ti wo kutya okwa kala omuleli omwaanawa, e na omayele omawanawa.
Onga oshilongo, otwe mu simaneka notwe mu lukila epandaanda enene osho wo okapale koondhila.”

-Nampa