Victoria Kaapanda
Ehagano lyi na sha nokuyambidhidha oshigwana Kwafela Oshiwana onkene tali tsikile nokulongela oshigwana uuwanawa muNambia alihe.
Omukokoli gwehangano ndyoka Paulus Cornelius okwa ti, omvula ndjika, oye ya po nonkambadhala ompe, yokukongela aakwashigwana iilonga, oshowo okuyambidhadha mboka ya hala okutsikila eyilongo lyawo, ihe oya nyengwa koshimaliwa.
“Kwafela Oshiwana okulile po okuyambidhindha oshigwana ngaashi naanaa edhina lyehangano ndika ta li ti, onkene ota tu yambidhidha kehe ngoka e li mompumbwe yiilonga, athike pombelelwa yetu mOndangwa,” Cornelius ta ti ngaaka.
Ta ti, ehangano lyawo olyi li mekwatathano nuuministeli wiilonga.
“Otu na omilandu dhetu hatu ende, opo tu vule okumonena oshigwana shetu iilonga,” ta ti ngaaka.
Cornelius okwa ti, ohaya kongele aantu iilonga yoludhi kehe, shoka sha pumbiwa oCv, ashike.
“Otwa kongela aantu oyendji iilonga, yamwe ihaye tu ga lukile kutya oya mona iilonga. Ohatu pandula mboka haya galuka nomapandula, ohashi tupe omukumo okutsikila iilonga yetu nomukumo,” ta popi ngaaka.
Cornelius ta popi ta ti, oya kongela aantu iiolnga ngaashi yomoomina mboka yena oonzapo, yomoositola, yomepangelo, yoku longa momagumbo oshowo momahangano gwopawumwene ga yooloka.
Ta gwedhapo ta ti, ohaya kwathele natango kehe ngoka ena ohokwe yoku tsikile eyilongo kiiputudhilo yopombanda, ihe kena oshimaliwa.
“Ohatu kwathele okukandulapo omawupyakadhi ge li ngaaka, uuna pena ombapila yaza kuKaansela gwoshikandjohogololo nenge ku mwene gwomukunda, ta kwashilipaleke kutya omunona ngoka okwa pumbwa shi li eyambidhidho oshoka aakuluntu ye, ka yena iiyemo,” Cornelius ta ti.
Cornelius ta ti, itaya ka gandja iimaliwa koomuma, ihe otaya kafuta iimaliwa mbyoka, kosikola yo yene.
“Oombapila dhe popilo, nadhi kale dhi li pamwe noombapila dho mataambo goosikola,” ta ti ngaaka.
Taku magidha oshigwana, kaashi longithe uulingilingi una tashi ka ninga omayindilo ngaka, oshoka opena mboka ye li shili mompumbwe.
Cornelius okwa ti oya kwathela alongwa ye li yaheyali omvula ndjika, ya futilwa nale oosikola dhawo.
“Ohatu kwathele natango aanona yosikola, mboka ka yena omizalo dho sikola oshowo iilongitho yoskola, ihe oomboka yena natango aakuluntu kaayena iiyemo,” ta ti ngaaka
Ta gwedhapo ta ti, shoka nasho nashi kwashilipalekwe kumwene gwomukunda nenge kuKansela.
Ehangano ndika, okwa li lya totwapo omvo gwayi muJuli, netompelo lyoku kwathela oshigwana.
Okwa li tango lya kwathele oshigwana sho koshitopolwa shErongo, sho kwa li sha patwa omolwa omukithi gwocorona, niikulya.
Ehangano ndika ka lina iiyemo yasha, ihe oha li yambidhidhwa wo natango koshigwana.
Natango ota li indile kehe ngoka e na ohokwe yoku li yambidhidha na kehe shoka, a dhenge koonomola 081 204 2231 nenge 081 444 2006.