Rudolf Gaiseb 

Cabinet kapi kazipulisilire asi ava vana kara montambo ndunge 9 asi vaze koTechnical no Vocational Education Training (TVET) asi vagwane nzapo zokuza koUniversity ntani undokotora. 

Ntambo zokupitira simpe kapi zina karapo, mukurona pamberewa koministeli Erastus Haitengela katente montumwaraka zomoutano. ‘’ Eyi kapi yiana kara asi yina wapa’’Haitengela yimo katente. 

Mokugwedako, Haitengela katente asi varongwa wontambo ndunge 9, vahepa kugwana udivi unene vaze ney koCOSDEC,KAYEC, ntani YOUTH skills centres, muna hamene Berg Aukas, Frans Dimbare, Okahao youth Centre, ntani Kai // Ganaxab . mavango getu aga kugava udivi wopantateko, unkurungu, evango lyoyirugana likare megameno ntani kukara nye asi yirugan yokomawoko hawe gahepa kuyidiva sinzi sayo. 

Oyo kuyigwana nsene ono mananyue nayinye oyo tuna tambura keguru, malikwamo gana kara asi yigo gokutara murongwa ogu ana hara kuza koTVET, yimo ana kutanta. Age kayitjangwilire ngesi; mavango nye gakara asi gonkarapamwe ndi nocentre awo kugava nye udivi kogu ana piti ntambondunge 9, omu nye nayagwana udivi ndi nayininkisa vamutambure kelikwamo lyoTVET. ‘’ Nonzogera kuhamena TVET asi ngapi naziwizamo zivatere ntambo zokukwamako, ngesi kuna kuhara kuza moyirugana. Ngendeso zakarapo zokoTVET omu navavhura kutambura muntu, kwakara ngesi; nzapo zonational senior certificate ordinary level (NSSCO) ntambo ndunge 11, revised Curricula ndi ntambo ndunge 12 (zanare) murongwa gahepa kugwana nopenta 20 moyirongwa ntazimwe ntani F moruhingilisa, muvaru ntani unkurungu. 

Physics ndi physical science yikare asi yomusininiko kwava vana kugusa younkurungu. Yokugwedako, varongwa nye vakara nare noyiriongwa yokomawoko vana hara kutwikira valitjangese. 

Ntambo ndunge 11 (NSSCO), murongwa ogo gahepa kukara nonopenta 18 moyirongwa ntazimwe ntani F moruhingilisa, muvaru ntani dounkurungu. 

Ntani D moyirongwa nye eyi yina kara asi yokomawoko. Mokuyitarurura nye yoko junior secondary certificate, ntambondunge 10 zanare, dogoro mo 2023), murongwa ogo gahepa nye kugwana 23 nopenta ngoso, yirongwa 6, E momuvaru, Ruhingilisa ntani yirongwa nye yokomawoko. Physical science simpe kunakara asi zomusininiko. 

Nampili ngoso, ntambo ndunge 9, nzapo zaso nazo kuna kara asi kuvhiura vazitarurure omu nye ngano nokarugana nonkarapamwe. 

-rgaiseb@nepc.com.na