LIBANGOKI ze peli ze akalezwa kuli neli bulaile mupoti ya simuluha mwa naha Germany mwa kweli ya Mbuwana silimo se, neli lengilwe mwa tolongo hape cwale-cwale kasamulaho wa kubonahala mwa khuta ya Mubusisi mwa mulenen`i wa Windhoek.
Libangoki ze akalezwa neli zibahalizwe ka mutompehi Fanuel Festus shipanga wa lilimo ze 37 ni mutompehi Paulus Kamati wa lilimo ze 26. Neli yemi fa pila Mubusisi Rina Horn.
Libangoki li akalezwa busholi ni bubulai.
Babeli ba neba sika fiwa sibaka sa kufitisa manzwi a bona mwa khuta.
Muzeko wa bona no sutisizwe haisi silimo sesi taha mwa kweli ya Lungu haina ni mazazi a malalu.
Mubusisi na kile a tolokela babeli kaza maemo a bona a kukupa bayemeli ba mulao mwa Likolo la Mulao.
Kaufela bona neba kile ba kupa bayemeli ba mulao kasamulaho wa toloko.
Muzeko ki wa kuli, babeli neba kile ba bulaya mupoti wa lilimo ze mashumi a ketalizoho ka lilimo ze silezi (56), yana simuluha mwa naha Germany, ili mutompehi Johannes Fellinger mwa kweli ya Mbuwana hane ina ni mazazi a lobapeli (8).
Kubihiwa kuli mufu na bulailwe mwa nako yana lika kutusa mufumahali wa hae yana taselizwe ki libangoki ze.
Ba mano mubulaya ka tobolo, neba kile ba longa situpu sa hae mwa motikala yene ba itusisa bona bapoti babeli ba ni kumu yumbela mwa mezi. Motikala ne bile mwa kozi ya fa mukwakwa kasamulaho wa mizuzu ye sikai mwa simpangaliko se si swana.
Shipanga na swalezi mwa tolopo ya Ondangwa mwa kweli ya Muyana hane ina ni mazazi a malalu haa Kamati yena na kilwe a swalelwa mwa mulenen`I wa Windhoek.
Muzeko seu konile kubiza sicaba kakuli ni man`oli ba makande ba mutende wa naha Germany neba inzi ni bona mwa muzeko mwa khuta sunda ye felile.