Presidente Nangolo Mbumba katjangwilire eparu lyanakufa musita gwanare gongereka zaELCIN asi nage gumwe gakere mukondjeli emanguruko lyosirongo. Musita Asser Kazumba Lihongomuntu ogu gakere asi kwakara nepuro lyenene moukriste, ogu gakere asi kapi tovhuru kumutjindja ndi omukumbagere koyirugana yaKarunga.
Lihongo ogu katusigire mo 10 June 2024 bnonomvhura 92, kavamuhorekere nomfumwa zehoreko zopa veta momayendo gamupini moKavango zoutokero momapeu gana puko. ‘’ Nmpili ngomu yina kara asi muntu kuna gumu unene nomfa dendi poyironda yetu yomomutjima, twahepa kuyitambura asi age kwaparuka eparu lyewa eli ngatu tura natuvenye mamogano getu age hena mudameki mosirugana sendi ogu galitulire unene nkenye eyi vana mupe gahepa kuyisikisamo dogoro papa nye twayasika memanguruko lyosirongo noukumwe,’’ yimo ana klutanta ngoso Nangolo Mbumba, mbudi zendi kakaziresere ministera gweyi yoponze zosirongo Dr, Peya Mushelenga pediworoko eli kalikere asi lyopaveta paepangero. Mbumba katente asi musita Lihongo sirugana sendi sokukara asi musita gongereka zaELCIN age kwakere momavango gokulisiga siga moNamibia.
Kwamutungikire mo 1964, asi musita, age gumwe gakere asi kwatoroka bibeli moRukwangali pokatji konomvhura 1970 dogoro 1986. Elituromo lyendi kapi lina kara tupu asi lyokudiva ruhingilisa nye gahepa kudiva hena kudiva eraka lyoru Greek no Hebrew, ryi yina kulikida asi age mutorki gomunene ntani galituliremo unene mokureta mbudi zongwa kovantu vendi.’’ Yimo ana kutanga ngoso.
Pokatji ko 1970 ntani 1997, Lihongo gakere asi age Dean koupumezuva gongereka zaELCIN. Noyirugana nye eyi gakere nayo yokutoroka bibeli, age makura yiyo gahundilire asi morwa yirugana yokutoroka gahakara hena nosinka sevango oku nadimbisa nye gahepa kukara tupu nosinka sokutoroka. Mbumba katente asi yirugana yaLihongo kuna kulilikida yene, eyi yina kara asi age kwahepa momawoko govatondi ava vatukoronye kere. ‘’ Musita Lihongo kwakere mouyiruwo yoyinzi tavamukwata, nokumuzedilira modorongo posiruwo oso ngavamuvarura asi nkwate nokukamoneka koyipangura, yimo ana kutanta.
Age eyi garugana kwapitakana eyi zarugana ngereka ndi ekuma lyongereka.
‘’ Age ngavatere vakwayita wombunga zaSWAPO ezi ngavatumbura asi people’s liberation Army of Namibia (PLAN)omu ngagava magano kombunga ozo zovakwayita. Age kwamukwete novakwawo ngwendi Amos Kanime, Jakko Kangayi, Hrson Nghilundilwa novakwawo vamwe ngoso.
Age kwamukwete morwa kuvatera vaPLAN kupitira mongereka, ntani munwendi gumwe kwamukwete age nomarutu gavali rambangako namukadendi vakakare modorongo, yimo anba kutanta Mbumba. Apa nye twayagwana emanguruko, Lihongo kwarugana sirugana sosinene, omu nye nage gumwe gayakere ana kutambura vatenguli valihamesere movakwawo sirugana esi galituliremo unene.sirugana esi sokutambura vatenguli kwakere sidigu unene morwa wahepa kureta vantu ava vayalipakerere nekoro lyawo.
‘’Yipo nye asi nayina tuna kare kumwe mokulira nokudana ezuva eli ana tusigi gumwe gwetu gomoNamibia ogu garuganena sirongo sendi paukriste nopaupolitika. Ose twahepa kuyikarera umbangi asi kamarada Lihongo kwalihameserere mokukondjera sirongo simanguruke paupolitika eyi yina kara ngesi asi kuna yitjanga mesanseko lyaNamibia. Yimo ana kutanta Presidente.
Lihongo kwamureta mo 14 Kudumogona 1932 poMupini moKvango zoutokero. Age kwakwere mukadendi Elina Lihongo ogu gadogorokere mo 2018. Awo kwakere novana vane, eyi yina kara asi gumwe tupu ana kara muzuni ngesi(Verna Nangura Lihongo). Presidente gontotera Sam Nujoma, fondasi zendi nazo kazitumine mbudi zoruguwo kovanekoro.
Moomu nye tuna kuhoreka Lihongo noupenda, pulisireninge kukwateramo varwi vanare, ekoro lyaNujoma ntani pwanyamwange mokugava ruguwo rwetu kovanekoro, vana, vatekuru ntani nanavenye vana kara moruguwo oru, vakarada ntani ngereka zaELCIN moNamibia eyi muna zumbanesa muntu gwangesi, yimo ana kutanta.
Nujoma katente asi nampili ngomu asi nomfa daLihongo kuna reta malirankali mekoro, vaNamibia novanekoro vahepa kudana silika esi sonomfa morupe peke, nkarapamwe ntani ngereka zaEvangelical Lutheran Church moNamibia. –jmuyamba@nepc.com.na