OTJIWARONGO – Likolo la makete ni pabalelo ya sicaba li itamile kutatulula tokwahalo ya limotikala zelonga bakuli mwa sikiliti sa   Otjozondjupa ni likiliti zeñwi. Muzamaisi wamutayi wamakete mwa sikiliti sa Otjozondjupa Gebhardo Timotheus naize Labulalu, tokwahalo ya limotikala zelonga bakuli mwa sikiliti sa hae ki pilaelo yetuna, mi ibile pilaelo yetuna hahulu mwa kweli ya Lungu 2024. Naize sikiliti sina ni limotikale feela zene zelonga bakuli, kukala Okahandja kuliba Tsumkwe.

“Sikiliti ki se si tuna kuli lutokwa limotikala zelonga bakuli zelishumi kazene. Kabumai kanako ya cwale, kizene feela zebeleka, mi ni zona lise limatile libima zelikana 600 000,” nabulezi. Hana alabela kwa lipilaelo zeo, sibuabui yomuhulu mwa likolo la makete, Walters Kamaya mwa ngambolo ni Nampa naize likolo li lekile limotikala zemashumi amabeli kazetalu zeka fetulwa zelonga bakuli, mi zene za limotikala zeo neli neuzwi ki katengo ka ka bona zamakete alifasi.

“Muhato olatelela kikufetula limotikala zeo kuli likale kulonga bakuli, kakubeya lisebeliso kaufela zamakete zetokwahala, ni kuli abela mwa likiliti kaufela kaswanelo kungelela cwalo ni sikiliti sa Otjozondjupa, kolitokwala,” nabulezi. Naize kuaba kuka ezahala lika kaufela halika felelela.