WINDHOEK- Omwiimbi dhingi omuukintu gwedhina Lioness okwa ti ye okwa hala oku ka kutha ompinga methigathano lyaahikingalo dhingi moshilongo omvula ndjika. Lioness okwa ti konima yoonkundathana pamwe nehangano lye, okwa tokola opo a ka kuthe ombinga methigathano ndika.
Lioness ngoka a li a pititha okangalo ke okape kedhina Meme, pamwe nokavidio kako ka thanekwa kehangano lyoReggie Films, okwa kala te shi enditha nawa oomvula dha piti, nokwa inekela kutya edhina lye olya tseyika nawa moshilongo onga omwiimbi gwoHip hop omukiintu dhingi.
Omvula ya za ko Lioness oye a li omuhikingalo gwotango gwoRap okuza moshilongo okumonika moCoke Studio Africa, ndjoka hayi gandja ompito ombwaanawa kaahikingalo aashona moAfrica opo ya tseyithe oongalo dhawo muuyuni awuhe. Okwa li ishewe a pititha oalbuma ye yotango yedhina thePride Of CliQ moka mwa li mu na ongalo ndjoka ya tseyika nawa yedhina Dream (Ondjodhi).
Nonando a kala okulonga pamwe naahikingalo ya yoolokathana moshilongo, shika otashi ulike kutya omvula ndjika otapu ka tya pwakwa, naLioness otashi vulika ta ka sindana omakopi ogendji, oshoka okwa longa nuudhiginini.