Munoli: Nuusita Ashipala ni Loide Jason
OUTAPI, musali yo muñwi u luza bupilo bwa hae mi u bulaiwa ki mulatiwa wa hae mwa silalanda sa Omusati. Taba ye I tizise muhupulo mwa hala mapokola baba li mwa sikiliti seo kuli banna ba kopane ni ku kandeka kamo ba ka feliseza mifilifili ni lipulayo mwa hala balatiwa ku fita ku bulaya ni ku ipulaya.
Vistorina Namundjamba Amunyela wa mwa munzi o bizwa Epumbu ili mwa Okaho na kunupilwe ni ku timela ka samulaho a ku kunupwa ki mulatiwa wa hae wa libizo la Kashimba Petrus mwa Outapi. Ka ku ya ka talusa ya mubihi wa mapokoka mwa Omusati ili yena Hisekiel Hamalwa, uli mufu na itukiseza ku ya kwa musebezi ka nako yeo mulatiwa wa hae a atumela fa sibaka/ndu ya mufu mi na za sweli silwaniso sa tobolo.
Amunyela wa lilimo ze mashumi a malalu ni ze peli (32) na kunupilwe mwa mulala ni mwa hala maheta ili kwa mulaho, ka samulaho fela a ku kunupa Amunyela, Petrus a fetula tobolo ya hae ni ku ikunupa isali yena muñi.
Banna ba swanela ku ikambuta litaba ze ba filikanya ku fita ku bulaya basali ba ba sina mulatu. Banna ba swanela ku felisa mifilifili mwa hala bona ni basali mwa zila ye sika fosahala.
Ha lu kandeke, ku sina ku huwelezana, Mutompehi Hamalwa a kupa ka taba yeo.
Hamunyela neli muluti (tichele) kwa sikolo sa Omuulukila ili mwa Outapi, mi Petrus ne li lisole la Namibia wa mwa mezi. Na zwa mwa munzi o bizwa Lilambo mwa Okahao.
Ka kuya ka mapokola, mufu na li mwa musiyo wa hae hana itukiseza ku ya kwa musebezi mulatiwa wa hae hato mu fumana mwa sibaka sana ina.
Amunyela naya kwa ku bakanya milili ya hae mwa matapelo, ko mubulayi na mu latelezi ni ku mu kunupela teni. Ka samulaho a ku kunupwa a timela ano foo, Mutompehi Hamalwa a talusa cwalo.
Makokola ba talusa kuli Petrus ni Amunyela ne bali mwa libato za lilizo ze ne, imi bana ni mwana wa lililmo ze ne (4).