Ministeli zerongo kuna kuhundira varongwa ava vanape wontambo ndunge zomurongo varugurure asi vahepa kulituramo unene yipo vahafese sirongo Namibia novakurona vawo.Ministeligona gerongo Ndokotora David Namwandi karugwilire mbudi ezi paapa kakauuyungisire varongwa posure zaAuas Delta sekondere moutano umwe wapita omu kavadene egwaneso lyosirongo Namibia nomvhura 21 kutunda tupu apa samanguruka.
Mwahepa kugusa egano eli lyokumupa murugurure ndi asi likwateni mawoko gavali yipo murugane nawa muhafese vakurona vene rambangako sirongo nasinye saNamibia.Esi yiso siruwo seni asi mwahepa kuwapukurura apa mwarugene epuko.Lirongeni unene yipo murete ruvara naro peke omu nomuhafa.Goministeli,kapi natutarerera vantu woudwa ndi wokupira nonkedi vakare asi varongwa ndi vanona.Ose kuna hara vantu wokurugana unene.Kwato eyi ngayi kutompoka meparu lyoge nsene asi ove muntu goudwa.Siturwapo setu kuna kara asi rugana unene nounenene.Nsene natuyizuvha asi ove udwa hawe ose ngoministeli nati dikutaparara kapi natu kufira nkenda.Ano nsene olihamesera nyamoge moyikunwa ntani ngwendi epangwe hawe ove evango lyoge pwato apa.Nsene noyirugana oyo hawe ngomona nopapeta kuna kudana.Ministeragona simpe kagumine komukaro dona gorutandu neninkiliromo ponosure ntani sirongo nasinye,nokutanta asi vakurana vetu kwarwanesere mukaro ogu yipo nye asi nsene vayikugwanena moNamibia zokumanguruka ove ngosimona.Kutunda apa samanguruka sirongo esi natuvenye ngesi kuna hetaka kukwama veta.Mwahatondagura apa pwapira sironda,yimo ana kugwedako ngoso.
Ntani mwahatondagura yironda yina kuhara kupora.Twahepa kukara ngovantu vamwe.Kuvhura mugara gumwe tupu gokuzaruka arete yita mosirongo,ano sirongo nasinye tasikara ngwendi kuna zaruka.Eyi twahepa kuyirugana mokutara nkenye muntu asi nage muntu ngwendi nyove.Ose kapi ngatuzoragana nava worutandu,eninkiliromo ntani esenso.Nampili ngano kuna fu kapi ngatutarerera mukaro gwangesi.Ngomuhoko twahepa kudiva asi sitambo kwakere emanguruko.Erembe lyosirongo saNamibia kwalitulikire mo21 Nsinano 1990,ano epangero nye eli lyakeremo lyoukoloni lyosirongo saSuid Afrika,yipo nye vatundiremo eyi yina kutanta asi kapi ngavakatengwirako hena oku asi vayatupangere.Tupandureni emanguruko eli lyawiza mo1990,lyapulisira asi nkenye muntu sina mumangurukire alironge twahana kutara asi ngapi gafana ntani gontundiliro musinke.Esanseko lyangesi kapi lyahoroka tupu mosure zaDelta,nye nosure nadinye.Sirongo saNamibia,kwareta sitetu morwa tupu samangurukayipo varetapo asi kwato rutandu ntani pwawiza maligusiro-gusiropo.Veta ezi tuna kumona natuvenye asi mulyo unene.Ehudi ose simpe kuna kara novantu vakare asi yirumbu ndi vasovagani vana kuhara kutondagura yironda yetu,kapi nye todiva asi ngapi novatumbura nsene muna ligwana nawo.Mukaro gwangesi twahepa kugunyoka.
Wahazaga apa pana kupira kukora.Komeho ayakare asi ministeligona Namwandi age kwatulirepo nkurusure zamwene ezi tuna kutumbura asi IUM,International University of Management .Muzangu kwangesi mokukwama kwaJacobie ogu kakere asi yige ana kulikida Namwandi kovantu,katente asi hawe sirugana esi kapisi sireru.Jacobie googu tupu gakere kosayitunga zaRepublikein asi nare mosirongo esi kwakeremo noveta donodigu.Neina ngesi Namwandi kuna kuhundira vanona valironge unene. Awo kuna hafa morwa erongo ngesi kuna kara movantu vavali vandokotora ava Abrahama Iyambo na nandokotora David Namwandi,kuturako hena nye novaministera vakwawo ava vana kuvavatera kwato udigu wakara asi kapi avaugusapo.Namibia sirongo sinalikarere pwasene,ano one vadinkantu twikireni nye opo noyirongwa eyi nonkaro mwenyo yipo asi sirongo setu sahepa kukara simwe sina zeruka.Mokumanesa Jacobie kuna kupandura Namwandi asi nove ngose hawe kuvhura meho zerongo lyosirongo esi kuna kara momawoko gomawa,ame nani hafa mokutumburange ove asi ame kamarada mekondjero erongo lyetu eli asi liwape.