RUNDU
Kulatelela pizo ya katengo katolopo ya Rundu yakukupa ba lipisinisi kutusa kwa pene yakuongaongisa liponiso zalitekisano, ba Rundu Hotel basulile N$ 20 000 kusebelisa kubakanya mulelo wo.
Liponiso zakubapaza lipisinisi lilelilwe kuezahala kala 1 kuisa 5 Njimwana. Mulelo wa liponiso wo ukaba wa makalelo kuezahala silimo se, wo neutile kuzwelela kuba Kavango Trade Fair, kamulelo wakuli unoezahalanga hamwi kasilimo ki sikwata saswalisano, sesibupilwe ki Katengo kasikiliti sa Kavango kuzwelela kuba Rundu Urban Constituency. Cwanuňu fa, ba katengo kasikiliti batambekile litukiso kaufela kwa katengo ka tolopo. Hanekubulelwa kwakutambeka neulo kwa katengo, Mayor wa Rundu Verna Sinimbo nafitisize buitumelo kwa kamaiso ya hotela kuamana nineulo ni kukupa balipisinisi zemwi kulatelela mutalo omunde wo.
“Rundu ki tolopo ye luikumuseza kupila kuyona kaufela luna ni kueza lipisinisi mwateni, kacwalo halubonise kamo luikumuseza tolopo yaluna kakufa kemelo ya liponiso zaluna beňi,”a ekeza.
Mayor hape utalusize kuli, kutusa haitalusi kuli haisi pene, kono nihaike kutaha ni mihupulo yeminde yekatisa kuli liponiso zalipisinisi libe zende kizabutokwa. Balipisinisi zemwi babafile lineulo kwa litukiso za liponiso za lipisinisi kize-cwale ka, Standard Bank ya Namibia (N$70 000); Nampost (N$24 000); MTC (N$40 000); ni Namibia Broadcasting Corporation (N$40 000).