Tsumeb
Lubasi lwa batu baketalizoho lusiyezi mwa sililo sakuchelwa kindu malobanyana Labulalu kwa malundu mwa munzi wa Kazinzila mwa sikiliti sa Zambezi.
Hakuna nihaike kalubandangoti kakakonilwe kuyokolwa kwa malimi amulilo ao. Ku akalezwa kuli Sumbwa Grace Kumoyo, namukuka wa lilimo ze 34, nasile bana bahae mwa lapa kwa ma 09h00 kuya kwakulekula lindambo babali mabapa kono akusikanga mizuzu yeketalizoho abona musi ni malimi amulilo kuzwelela kwa ndu yahae.
“Nekuna ni banana banebabapala kwande, mi lwa bautwa inze bahuwa bali ndu ya ca. Nako yeluyofitanga kwa lapa, lapa kaufela neseliswalezi kale kwa mulilo,”kwa talusa yomumwi kubolubona kameto, Felix Pembe. Nebasiyezi ba mbwetukile kusina sakueza inze bafa meto sico saona. Pembe u akaleza kuli kubonahala kuli banana nebabapalisa mulilo ki kamo bayakisize mulilo fandu. Mulilo uchisize mapampili abona kaufela lotee ni kutulo yabona fonebasepile kuli bapilele fateni mwalinanga lelitalimanwi nilona kuisa maseulo apula.
Kumoyo ukupa tuso kumutu kaufela wa lizwalo kukona kumutusa kamwaswalezi kaufela, kakuli lubasi lwahae haluna kukona kumutusa mwalika zabupilo bwahae kaufela. Babaitakaleza kutusa bakona kuikopanya ni yomumwi kwa mabasi ahae, Sam Limbo, fa nombolo ye, 0812600743.