Molly Weyulu

Sipokola sa naha Namibia sibihile pilaelo ya kuekezeha kwa lipiho za mulilo mwa likweli zefelile, kutisa mafu ni lisinyehelo. Sibuabi wasipokola Kauna Shikwambi mwa sitatimende naize lipiho zebalwa, zeñwi ze ama banana, lisweli kubatisiswa.

Mwapiho ya cwanuñu mwa Tsumeb, mulilo one ubihilwe kuli nokalezi mwa simbashu mone kupila babeleki ba kwasimu, no ombalakani ka kuankufa batu inge balobezi ni kucisa limbashu zeñwi ze mashumi amabeli.

Mwapiho yeñwi yeshelana ni yeo la 1 Sikulu, patisiso nekwaluzwi hala lifu la Tobias Slvanus walilimo zemashumi amalalu kazelobañwi. Natimezi kasamulaho litino zahae neli swalezi kwamulilo hana futumaza lico mwaliapehelo.

Patisiso yeñwi nekalile la 16 Mbuwana kasamulaho musali natimezi bulobalo bwahae bumano yakela kwa mulilo. Sibuabui naelelize sicaba kutokomela, sihulu manzibuana hakubata. Nafile mamela kwa banana kusabapalisa mulilo, nikuli bano tokomelwa kibabahulu nako kaufela.

“Mu ambuke kusebelisa mulilo kapa makandela inge mukozwi. Mutokomele nako kaufela hamusebelisa lika ze itusisa mulilo wamagesi,” nekubulezi Shikwambi. Nafi