Katengo kakabona zaliketisa (ECN) kabulela kuli makadi aliketisa haki abuikabiso. Muinasipula wakatengo ka ECN Elsie Ngikembua naize kuiñolisa kinto isili ni kubota kinto isili. Makadi aliketisa haswaneli kubululwa inge mishukwe. “Kaufela luna luswanela kuiñolisa sinca, kutoloka kuli haiba hausika iñolisa hauna kubota mwaliketisa mwa Njimwana. Halu iñolisi kuli lubuluke makadi aluna aliketisa kakuba mishukwe. Lwa iñolisa kuli lubote. Kakuba katengo kaliketisa, lulemuhile kuli hañata, batu bataha kuto iñolisa, kono buñata haba boti,” naekelize.
Mwalilimo za cwalecwale katengo ka ECN kanyazize kufukuzeha kubaba itenga mwaliketisa. Kitaba katengo kabata kulwanisa kakukala ni mungendenge waliñolisa zabaketi one ukalile viki yefelile. Nghikembua nakupile babanca kuitenga mwaliñolisa zaliketisa sina halemuhile kuli babahulu kibona baba fumaneha hahulu mwamibamba ya kuiñolisa.
“Kakuya kamulao obona za liketisa, batu baswanela kuiñoliseza mwasilalanda mobapila. Kikalibaka lakuli mwaliketisa ze,babaiñolisa kuba baketi baiñoseza kukona kubota mwaliketisa kaufela, kungelela cwalo ni liketisa za milonga ni milonganyana. Kacwalo, mwakupiwa kuiñoliseza kwalibaka kaufela zefumaneha mwasilalanda sa mina,” nabulezi.
“Luna ni mazi feela amashumi aketalizo ka amabeli, mi lukalile kubala kuzwisa. Nikupa bayahi kana banaha Namibia kutaha ni kuiñolisa. Musike mwalibelela viki yamafelelezo kapa lizazi la mafelelezo, kakuli haluna kuekeza mazazi akuiñolisa,” nahatelezi. Mapampili atokwahala ki kadi ya buizibahazo, situpa kapa kadi yabukwaezi. Kuli mulonganyana uekezwe kutokwahala pampili yakulifela lisebelezo kuzwelela kwakatengo katolopo.