Mubihi wa Mutende
WINDOKO – Patisiso ikalile kasamulaho asabo ya kuli mandui babalalu ni muyahi wa naha Zambia, neba bihilwe kuli neba kunupilwe kilimembala za sisole sa naha Botswana Labune, kwa mukulela wanuka ya Chobe. Limembala za lubasi neli ilo kwalula piho ya batu baba tondahala, kasamulaho baana babane nebasa zibahali kobaile. “Kasamulaho piho ya kuli batondahala ikwalulwa, babeleki ba mulao (mapokola ni masole) neba buzize babeleki ba mulao mwanaha Botswana, kono hakuna piho yene fumanwi kwa mapokola ba naha Botswana.
Kwanda piho yene bafumani masole banaha Namibia, kwa masole banaha Botswana, yebihiwa kuli nebaitumelezi kuli neba kunupile ni kubulaya baana babane mwa Kasane,” nekubulezi sibuabui wa sipokola Kauna Shikwambi. “Libaka lene bakunupezwi halisika zibahala kale. Babatimezi habasika nyatelwa kale kuli kibona bane babihilwe kuli batondahala.” NBC nebihile kuli baba tondahala kibana ba mutu alimuñwi ili Tommy Nchindo, Wamunyima Nchindo ni Martin Nchindo, hamohocwalo ni Sinvula Munyeme yo bondatahe bazwelela mwanaha Zambia, mi bomahe kibayahi banaha Namibia, babapila mwa sioli sa Impalila.