Munoli: Roland Routh
WINDHEOK – Mapokola ba Namibia ba kwaluzi mu ngendenge wa ku batisisa taba ya buima ku musali ya tamilwe iza li mwa sitokisi (tolongo). Musali ya batisiswa taba yeo u zibahala ka libizo la Johanna Lukas, mi na kile a añyisa mbututu wa hae a zali mwa khuta ya mulao, imi kezo yeo i ezahalile fa pila sichaba ize si talimezi, imi muatuli yo muhulu Petrus Damaseb na boni taba yo fa pila hae.
Lubasi lwa Lukas ne lu tile kwa ma ofesi (ndu ye nola makande) ya New Era ka samulaho wa ku bala mutende one li mwa mpampili imi ba to fa taba ka butungi luli. Lubasi lu bona taba ye ku bonahala kuli ne i patwa ki mapokola kamo Lukas a fumañwi ki mulwalo ali mwa sitokisi se si bizwa Narravile mwa Walvis Bay. Taba ye ba ibuzize yo muhulu wa mapokola ili yena Sebastian Ndeitunga imi na bonahala kapa kutwahala kuli na za zibi taba yeo kono a sepisa kuli uta batisisa butungi bwa yona taba yeo.
“Ka mañzwi a hae u talusize kuli, taba ye ki ye tuna ni bumase, mi u sepisa kuli taba ye cwalo ha ina ku tuhelelwa mwa mulao wa sipokola” imi Ndeitunga na talusize mazwi ao ka ku nitifaza.
Ba lubasi lwa Lukas ba talusize kuli Lukas na tamilwe ku isiwa mwa sitokisi (tolongo) la kweli ya Muimunene 2012 mi ka nako yeo na na ni mbututu wa likweli ze ketalizoho (5) nako ya to tamwa ni ku ya mwa sitokisi (tolongo).
Lukas ni musali mwa libizo la Gwen Nelembe neba tamilwe hamoho mwa tolopo ya Swakopmund ka taba yaku zamaisa banana ba ba nyinyani isi ka mulao. Imi basali bababeli ba, ba sali li mwa sitokisi ku zwela ba tamwa ni ka nako ye.
Lukas na (tamuluhile) fumani mbututu wa hae kali 18 Muyana a zali mwa sitokisi.
Ka nako ye sali mwa sitokisi sa mapokola sa Wanaheda ka fo mupokola yo muhulu wa libizo la Josia Shikongo na memile ba New Era kuto buza Lukas ka taba ya hae, mi ka bumai, ba New Era ba palelwa ku bulela ni Lukas kakuli na li mwa maemo a ku sa ikutswa hande, ka nzila yeñwi lu tali na welezwi imi na li mwa sikapa sa miyoko ka nako ye muñoli wa New Era a fita kwa sitokisi, ni haike na itumelezi kuli taba ya buima bwa hae i ezahalezi mwa sitokisi hana swelwi ili mwa Walvis Bay.
Lukas ya na li mwa sikapa sa miyoko a talusa kuli ha tabeli ku bulela taba ya hae yaku ba ni mulwalo nako yeo muñoli na li teñi kwa sitokisi, kono a sepisa kuli kasamulaho wa ku kutela fa pila muatuli yo muhulu ili yena Damaseb, uta be a talusize baba ya hae ka butungi.
Ba habo Lukas ba talusa kuli Ndatahe mwana Lukas na swalisana ni mapokola ba ba lobile mulao mi bao neba lumelela munna yoo ku kena mwa sibaka sana beilwe Lukus ili mwa sitokisi ni ku somana ni yena.
Lubasi lwa Lukas ne lu bilaezwa ki taba ya kuli yena muuna yoo u sa sweli ku mu kataza a sali mwa sitokisi ka ku mu lumeleza mazwi a filikanya,
Ba lubasi neba akaleza taba ya kuli Lukas na somana ni muuna yoo isi ka tato ya hae, imi lubasi lungongotile (kwaluzi) taba yeo kwa mapokola ili mwa Walvis Bay.
Ba New Era ba likile ku bulela ni yo muhulu wa sikilili sa Erongo yena Samuel //Hoëbeb imi na si ka kutisa mihala ka samulaho wa ku selwa milaezo.