RUNDU – Mapokola kwa Rundu babanze babatisiswa mwataba yakuli kuicanganisa kwabona nekutisize mafu asituhu abaketalizoho balubasi luliluñwi, bane babulailwe kimembala walubasi mwakweli ya Sikulu batomezwi kulifa N$1500 muñwi ni muñwi. Mapokola bane bakile babulela kuli nekusina limota yomuñwi wane babulailwe hato babihela taba habeli kuamana nimikwa yasibulai, nebafumanwi mulatu mwatiko yamwahali. Yanali Yomuhulu wa Siteshini sa Rundu, Andreas Mushongo ili kanako ye saisizwe mwalitaba zakamaiso kwaofesi yasikiliti yasipokola mwa Kavango ya Upa, niyanali famusebezi Eberhard Muyambo nebafumanwi mulatu wakuicanganisa.
“Nanitifaza kuli kalulo yeo iezahezi kuamana nimapokola baba beli. Nebafumanwi mulatu wakuicanganisa mi nebatomezwi kulifa N$1500 muñwi ni muñwi. Mulemuhe kuli habasika fumananwa mulatu wakuloba mulao,” nekubulezi sibuabui wa sipokola Kauna Shikwambi. Nabulezi hape kuli mulatu usakonwa kutalimwa sinca. Naekelize kuli mapokola balitulo zafafasi nibona basa batisiswa. “Kitaba yesatalimwa mwendi viki yetaha ikafela,” nekubulezi Shikwambi.