I Kae Matundu-Tjiparuro
OTJOMUISE – Oure wozoiri ape ndano nao Otjombanguriro tjOkombandambanda tja Namibia tjarundurukirire kombongo yo St John Apostolic Faith Mission mOkatutura Oritjatatu ngurova.
Ovapangure aveetatu ovakarerere votjombanguriro itji, Otjiuru tjOmbangururo tjOkombandambanda, Peter Shivute, novapangure Gerhard Maritz na Sylvester Mainga, ongurova indji vahaamene motjombanguriro itji mombongo indji. Nunguari kayari okupangura karive posia yari okuyandja ondjozikiro kuumue wovaungure wa punawo, Mara Tjikusere Tjituka.
Tjahungirirepo otjimbumba tjovaungure viozombanguriro, mumuari ovaungure vomutjangerepo viozombanguriro, ovaungure votjombanguriro tjokombanda notjokombandambanda, Omupangure Shivute, waraisire kutja omuyaruke Tjituka wari omuungure nguaa ungura popezu novapangure tjinga eye aari omuungure nguayandjerue kovapangure. Nu munao eye otjaa tjiwasana novapangure avehe. Aruhe tjimoya momberoo ootjiwa kutja nandarire waende awa toora ongora momurungu, tjiwahiti momberoo yoye tjandje ongora indji waherura mena rokutja momberoo tjandje muna Tjituka nondjora ye eye ndjehina wahukurire. Munao Shivute otja tjere katjikutu tja Tjituka tjitjapandjererua porue nunguari wina ovo otjovaungure vapuna Tjituka vapandjarerua. Posia ahuhumiøa otjikutu kutja itji otjo tjitjihina okurundurura ngatjiyakure oro wina ndari ohuhumiøambo romuhonge omunene wombongo indji, Petrus Katikisa Tjijombo.
Pomayandjere wondjozikiro oseina ya Tjituka inga wina pari ovaungure vopunomurumendu we, Ebson Snewe Tjituka, mombaanga indji yokambuku, o FNB, mbairaisire oruhoze rwaho naveraisa kutja kongotue yomurumendu auhe omunandoneøo kuna oserekaze nu mongarero ya Ebson aaraisa eyapayuva arihe kutja uri puna oserekaze ependa tjinga aa hakara nokuhina okuhungira ohunga noserekaze ye noupandu woviungura viayo.
Tjingetjo imba mbeturira punomuyaruke Tjituka momaturiro inga o Greenwell Matongo mOtjomuise, kanaa vemuraisire otjependa nomuhinandira porue, nunguari otjomunane ngwevekondjera kutja ndinondi momaturiro inga ngehari nomeva ndino yehare omeva, ngehari norutjeno ndinondi yehare orutjeno. Nai ndinondi omaturiro inga yakuramene okuhara oviungurisiwa peke peke tjimuna omiriu omituare viombonÿi. Imbi avihe viari mena rozongondjore zomuyaruke Tjituka eye nguahari nomundu aatira kutja omunane katjikuaye.
Otjotjiri omutjange wo New Era ingui mayenene okuhatoi oupatje woserekaze omuyaruke Tjituka. Eye wemutjiwa okuutira mombura indji o 2008 tjahita otjo tjikamba meyuru mombeero yomutjange ingui aayeta ondjuriro yovature va Greenwell kehi yoehika indi Twahangana, tjitjiri otjimbumba tjovature va Greenwell, nu tjinene wina ouzeu wao novanane vao tjiva. Eye wakuramene pokutja kanaa piti momberoo yomutjange ingui ngandu tjatjiwa kutja oruuro ruao novakuao maruvaza omatui kuruasere okuvaza, narukahita momuvero muruasere okukahita. Eye omuini wina kakutja omivero imbi kakahitire okuutira komivero viozomberoo zongomainde ya Tjomuise, noviomuÞize wotjihuro tja Tjomuise, oruveze indo nguari Mattheus Shikongo, nganduu komivero viomberoo yo Ministera Ondenga, oruveze indo nguari Nahas Angula. Okutja otjo tjiri omuyaruke oserekaze Tjituka kaari omukazendu ependa nepatje uriri, nunguari wina wari omunane katjotjiri. Munao tjinenene otjikutu tje, o Twahangana nganduu kovature va Karupuri otjivapandjarisa ombangaøe.
Omuramue Theo Kamupingene ngemutjiwa okuza koukanatje, matja omuyaruke Tjituka weriraisa unozondunge zokombanda etota tjinene kaza kauriri nu nandaku waøiøa ouøingandu womahongero, eye atjarira ohahende poo omupangure otjovapangure oo Shivute, Mainga na Maritz. Owatjiri okoo kutja ngunda aihina omahongero tjimuna oo Shivute, Mainga na Maritz, ndinondi vee kuungura pamue nu meyuva re eseinina vee kukara pehuno re tjimatjihatoi kutja eye nandarire mokuhina omahongero pupeÞawo, eye una otjina tjahuanga muwo kutja ndinondi vee kukara pehuno re.
Tjituka waÞire moumba womatemba omayuva tjiyari yetano komueze imdui pokati ka Mataura na Tjomuise indi etemba rao okuza kEpako okuya kOtjomuise tjirevetere otjiuru notjiuru nokasaru kaakezu kEpako. Omuatje we, omuatje womuÞena, Wicky Tjikusere, waÞire moumba tjingewo ngunda omurumendu we, Ebson, nai aeri kehi yovito vioumba imbui monamiti ya Tjomuise indji o Medi City, naehina okukakara pomasuvisiro woserekaze ye. Omuyaruke Tjituka masuvisiwa muhuka mOtjozondjima moresevate ya Pukiro.