MoVenduka-Vavali vanapolitika vadivikwa awo hena vatulisipo noveta vana kara asi awo wonombunga mpatanesi mombongarero zanavenye nkera kavapandwire mbunga zaSWAPO, mombongarero zanavenye.Mbudi ezi zokuharera erago kazitundilire kwaministera gweyi yoponze zosirongo Netumbo Nandi Ndaitwah omu kapandwire mbunga zendi zaSWAPO asi kuna retesapo masimwitiro gomulyo mepongo lyokugwedererako eli kavakakare nalyo moSwakopmund, sikondo vike sina puko. Netokoro lyokutura asi mbunga zawo ngesi tazi katara nye maruha nagenye vahetakane mugara nomukadi.Swanu, president gwawo nage kaligwire naNetumbo asi hawe esi sininke sosiwa kavarugene nye simpe kuna kara mudigo govakadi veneve vatare nye asi udigu ou vakara nawo kuugusapo ngapi. Yimo ana kutanta mugavi noveta ogu gwaSWANU. Moongo, gwa DTA, nage kaligwire asi ose kuna kuharera SWAPO erago ntani kuna kutara nye asi nompitisili ngapi nadikarugana. Ano age kagenderere nokutanta asi natutara nsene asi eyi kavatokwere nayikaza moyirugana.Ose kapi tuna hara matumburo tupu nye kuna hara eyi muna kuuyunga yize moyirugana.
Nandi Ndaitwah katente asi mukaro nye ogu guna kara asi gwediveta kapisi yikare asi mpito nye zovakadi valirwanese vene navene, nye vahepa kuruganena kumwe nositambo simwe tupu nokugava mukumo asi siruwo sina siki nye ngovakadi nose tusika melikwamo lyokugendesa nokulikida asi nose kuvhura kurugana ndi kukara mpitisili.Age simpe kagwedereko asi sirongo saNamibia kwakara nomarunone gaso omu yina moneka asi kuvhura nye tugusepo maudigu aga tuna kara nago,ngwendi epiro yirugana,ruhepo yipo turugusepo nokukondjera ekuliko. Ntani ame kuna kuyimona asi eyi yiyo twarwanene.Twahepa nye ngovakadi turuganeseni siruwo esi kutunga ukumwe mokulifumadeka nyamwetu rambangako Namibia sirongo nasinye.yimo ana kutanta Netumbo.Kutunda tupu apa vatulirepo mbunga zaAU, kwatokwere asi movakaomisare vatano vahepa kukara vakadi nye etumburo eli lyasikamo mouta wakora, kutunda tupu mo2001, ngesi moyirugana yina kara. Eturo moyirugana ediveta lyombunga zaSWAPO, kuna kukaza moyirugana nehetakano lyoparudi vharwa eyi tuna kumona asi tayikaza moyirugana komeho tukaze momahoroworo. Eturo mosirugana 50/50 mbunga zaSWAPO, kuna kara simwe esi vakadi vanakuza nye komeho moumpitisili. Netumbo simpe kagenderere kutanta asi elikwamo eli lyoparudi vharwa vahalitura kumwe nefiro sinka vakadi. Munaveta ogu gwanare kuna kara asi siruwo sina siki omu natutara elikwamo lyokunkondopeka vakadi moumpitisili nanayinye yekuliko. Sirongo saNamibia, nare sagusa kukondja asi elikwamo lyokunkondopeka vakadi lize moyirugana pontambo mukunda ntani nopontambo zokuzeruka.NgaMinistera gokuhova gweyi yoporudi vharwa moNamibia,kapi nina kuvhura nayina kuhoreka ruhafo rwange,kweyi mbunga zaSWAPO kazirugene sirugana sangesi. Mbunga zaSWAPO kuna kuza nye noprotocol zaSADC, kukwama 50/50. Simpe katwikilire nokutanta asi nina diva asi nzira twagenda nde, kutunda koTanga, Tanzania,omu mbunga zovagolikadi vaSWAPO vazitulirepo momvhura 1960-70, ano ngesi moSwakopmund, kuna kara simwe sina zi nye mosiruganaomu vakadi ngesi nawo tavakara nye moupitisili kuhetakana novagara.Age katanterere vakwawo asi siruwo sokuuyunga sina pu ngesi kuna kara nye siruwo sokutura moyirugana eyi yina tutumbukire.