Lissony Njembo 

Mbunga vana kutumbura asi Mukaa OtjaHosea women national gropu zomo Okotjitituo, sivike kasiopwire kavageve uhwi wembo vatungisa ko yipereki valigave nye ko Kamii Mbirijona momukunda gwa Coblenz moOkakarara momukunda Otjozondjupa. Mukaa Hosea mbunga zovakadi ava vakwara wonkwa Hosea ndi asi rudi rwaHosea. 

Mbunga ezi kukwama mpo zovaherero kunakara vantu ava varugene yovamba monomvhura 1968 dogoro 1970. Mokukwama nye mpo zawo, mumati nye ogu ana kara asi nage gumwe gagwana vamba zendi siruwo sooso, kuna kumoneka asi age ngoso mumbyawo gara. 

Nampili ngomu yina kara asi kapisi yopampo, mukadi gahepa kukwara mugara ogu ana kara asi nage gonomvhura dodo, nampili ngano ngapi valitundakana. 

Babylow Hitjivirue Kazohua munasipundi go Mukaa Hosea mbunga zovakadi katente asi mbuna esi kuwizapo nomagano gokulisiga siga omu nye atuvatere vantu nkenye mvhura. ‘’ Mbunga zetu kwakara nelikwamo lyokupwaga tuze kovantu, eyi yina kara asi naso ngoso sitambo setu, eyi yakara asi ose kuretesapo marunduriuko movantu navenye meparu lyawo. 

Mbirijona, gonomvhura 73, zinya vana wokusika ko ntazimwe, age kwatunga nomvhuara nadinye membo lyokudikisa konondorohwa noyipereki yanare yoyikurukuru eparu lyendi nalinye. 

Age kapi garugana rumwe meparu lyendi makura kapi nye avhuru kulitekura mwene pasimaliwa siruwo nasinye. ‘’ 

Kwetu tupire kukara asi walye koyili tuna hara, ose kwapura nye sirugana sina kutunda kwaRapupara Tjipura ogu gakara asi mutoti go Coblenz atugwanene ogu gatunga momukunda gwina ogu ana kara asi ana pumbwa embo lyangesi. 

Tjipura age kwagwana nye mukurupe, moCoblenz gatunga gelike moyipereki yina kara hena asi kapi vayidika nawa. 

Kazohua katente asi projeka ezi kuna kara poMbirijona vamudikire embo eyi yatamekere mo September mvhura zeezi. 

Kugava nye embo eli paveta kwakereko mwa December, 10, mezuva lyokudiworoka untu womuntu, lina kuliza hena nosihorokwa sangesi yimo ana kutanta Kazohua. 

Kumwe nye nembo, mbungha simpe kazigeve kwaMbirijona nomahwi ngwendi nondja nayimwe yokulidumika. Mbirijona ogu kakere asi ana ahafa unene, katambwire uhwi ou noruhafo rorunene. ‘’ 

Ame nina hafa unene morwa kani kere erago vahoroworenge nigwane uhwi wangesi. 

Gerson Kapinge Tjirimuje , ogu ana kara nage asi gombunaga ozo, zaOtjaHosea, katente asi age ana hafa kweyi ana kugwana ndi yina kuhoroka neyi vana kurugana vakadi kwara vaHosea. ‘’ 

Ame nina hafa morwa awo kuna kuza momalimba gawo, valimburure eyi vana kulira vantu ava vana kara asi woruhepo,’’ yimo ana kutanta. -lis24nje@gmail.com.na