MoVenduka-kambungagona aka kana kara asi kapi kana kuzuvhira mbili yitundwamo yombunga zaCoD kavawizirepo nomagano vana tura patjangwa ago kuna fana ngwendi gaagagatulirepo munekuto Jesaya Nyamu, ogu gakere asi muSWAPO egano limwe kuna kara lyokutotapo mbunga politika zompe.
Simbapira esi kasi kere nomagano age vana kugazara asi ngano ngapi navaparuka paupolitika.Mbunga ezi zorunyegenyo moomu tupu zina kulitumbura zene kavakere nepongo mosikondovike vayatare magano aga vana kara nago kutunda tupu apa vakadukire mepongo lyenene lyombunga zawo eli lyakakerere koKeetmanshoop mwaKudumogona.
Epongo eli kava kalikererekofarama zaNora Schimming-Chase zakara momukunda horowero gwaOmaheke.
Muuyungili mbunga ezi Igitius Shihwameni yige karesere yiturwapo yawo omu muna kara magano gatano age mbunga ezi nazivhura kutarurura.Magano kuna kara ngesi:Kutunda moCoD ndi moupolitka,ndi kutambura yitundwamo yepongo lyenene,kuturapo mbunga zompe,vandindire epongo lyombunga zoSWAPO ntani vaze komeho nokukatarurura eyi yakahorokere koKayiti.Epongo eli kali kere nedina asi sigongi saCoD sokulipa magano sava vakara asi awo yiwo vanzi,kava kakerepo vantu wokusika korontazimwe ntani kava kere noyitumbura yitano.
Sopomuhowo kasikere yitundwamo yaShihwameni noyiviyauka yomoCoD kutunda tupu apa vakadukiremo mepongo lina.Souvali yitundwamo yokonomukunda paupolitika.
Shihwameni kageve udona nouwa kwankenye siturwapo.Awo hena kavatere asi pomuhowo vatare asi kuvhura vatulire ntere magano gawo vayalipakerere kumwe nombunga zaBen Ulenga.Ndi awo vakare tupu vantuuntu vangoso ngovahameni.
Ndi vatundemo gumwe nagumwe vandindire epongo lyenene lyombunga zaSWAPO, muntu kapi todiva asi morwa sinke navagazarere asi tanko vandindire epongo lyaSWAPO.
Shihwameni karugene mokugava uwa noudona kwankenye egano.
Awo kavayindindilire asi ngano valiyonge yiturwapo eyi yipo vadive asi ngapi vana kuza komeho.
Ano awo yiyo kavaligwire asi vahepa kugwana siruwo sokutarurura magano aga yipo asi vahakakara hena novantu vana kudukamo.Apa tuna kugava mbudi ezi sayitunga zaNew Era kapi tuna gwana asi ngapi kavatokwere,nye mokukwama eyi tuna gwanako awo kava tokwere asi vahepa kundindira yitundwamo yekona-kono,kutunda opo ntani ngava diva asi kupi vana kuyuka.