Taimi Haihambo
Eenhana – mukunda gwaOhangwena kwakara pontjimantjima komuzogo gwaNamibia eyi nye natuvhura kutura asi evango nalikara lyokugwanena mema. Varugani pontambo zosirongo ntani womo mukunda kuna kutanta asi mokukwama eyi kavagwene sivike sina puko,Ohangwena 11 kuna kara evangio eli nalivhura kugava mema eyi yina pumbwa ngesi kuna kara asi epangero nalyo lyahepa kutulisapo magano gokomeho oko.
Apa nye kageve mbudi zendi posilika saOhangwena 11 water scheme supply projek, sokuzegurura silika esi, Presidente Netumbo Nandi Ndaitwah karugwilire omu epangero lina lituramo asi vantu womomukunda ogu vahepa kugwana mema gana gwanene ntani gomawa mokuganwa. Age simpe katente asi epangero lina lituramo asi nkenye gumwe gatunga moOhangweana, ntani owo vatunga koupumezuva waOhangwena vahepa kugwana mema gana zere, ntani aga vana kuhuguvara asi taga karerepo. Age simpe katwikilire asi ntambo zauvali mema moNamibia twahepa kukara nelikwamo omu natutulisapo projeka ezi nazitanta asi ngapi tuna kutamununa kugava mema, nokuwapukurura nomukunda detu doponze omu natuturapo nye egano nalikarererapo mokukwama uzuni omu una kulitjindja. Kadiva Hamutumwa, nguuru gomukunda Ohangwena, kaligwasanene kumwe naPresidente posilika sooso, omu nye navaliyonga kuruganesa eyi waweka momukunda gwawo ntani kutara nye udigu vana kupita ngesi. Evango eli kwakara nomema kohni vagwana moOhangwena Aquifer 11, nokutanta asi kvhura kutwaredera vakulike dogoro pongesefa zene zene, nondima mokugwederera ntani eparu lina ligwederere unene.
Nampili ngomu yina kara asi kugwana mema monomukunda dimwe hansako, nomukunda dimwe simpe kuna kugenda sinano sosire, vamwe simpe kuna kunwa mema momatope, mema gamwe simpe gokunyata ntani mungwawngwa. ‘’ Projeka ngwendi zezi kuwapukurura eparu lyovantu, omu navagwana mema gomawa,’’ yimo ana kutanta. Mutwe gomukunda kuna kutanta asi, kugava mema simpe kapi yina kara asi kuna hetakana hawe vamwe pontambo peke vana kara. Sinzi sonomukunda doponze zodoropa simpe kuna kunwa mema gokunyata gemetope, gakara noyihando ntani gamwe mungwaangwa, ndi kugenda sinano sosire vakagwane mema. Noprojeka nye dangesi kuna kara asi tadikawapukurura mukaro ogu natugwana mema, nye simpe kuna kara udigu kwava wovanzi,’’ yimo ana kuyinkondopeka ngoso. -taimihaihambo2000@gmail.com