Auleria Wakudumo
Ndeshipewa Angula, okakadona dingi koMiss Earth Namibia 2025 okwa alukila keumbo konima eshi a xuulila medingonoko 20 lokakadona dingi mounyuni kaMiss Earth.
Angula ineshi pondola okuya kedingonoko la shikula ko, lokakadona dingi 12 fiyo okedingoloko loukadona dingi vatano omo tamu di okakadona dingi mounyuni koMiss Earth 2025.
Angula okwali ta kufa ombinga mefiyafanepo lokakadona dingi koMiss earth mounyuni, efiyafano tali ningilwa modoolopa yaManila moPhilippines.
Neudo, eedona 78 okudja koilongo ya yooloka oda li da kufa ombinga mefiyafane po eli.
Odula yadja ko, Tina Haimbala okwa kalela po oshilongo mefiyafano la faafana nokwa li eshi pondola okutula oshilongo ponomola 12.
Eshi oshali oshikando shotete Namibia eya ponomola yopopepielela nokuvena efiyano lokakadona dingi koEarth mounyuni.
Nonande Angula ineshi pondola okuangata po epaya lokakadona dingi mounyuni, okwa ulika oshitalendi shaye nomukumo nonondjungu. Angula okwa tula epandela loshilongo pombada navahapu ova pendula oilonga yaye.
Angula okwa li umwe womoukadona dingi vatano ovo vali va vena ofiyafano laMiss Namibia neudo olo lali la ningilwa mOngwediva.
Angula okwa li yo a vena epaya hali ifanwa Miss Congeniality.
Angula okwali a kufa ombinga mokunyamukula omapulo kovatoolinghundana, edingonoko lokuyowa omo oukadona tava ulike oikutu yavo yokutwa omeva, omudjalo woshilongo shavo omo tava ulike eenghulunghedi doshilongo oshoyo edingonoko tali popile ekwatele po lomidingonoko.
Angula okwa li a holola omudjalo waye woshilongo, oo wa fimaneka omunghoko woshiwana shovaMbunza moNamibia. Omudjalo waye owa longwa keenyala notau holola efimano lomukainhu wovaMbunza.