WalvisBay -sure vana kutumbura asi Hillside Christian College kava hagekesere posiruwo gona mitili gwawo ogu gaza monombudi ahanese mbudi zendi zokuhamena rutandu.
Sure zakara momukunda gwa WalvisBay awo kapi kavalihameserere konombudi edi garuganesa mitili ogu, Corien Steenkamp, omu dazuvhika nombudi asi mitili ogu gwamupuragerere murongwa gumwe ana kulirongera ko US. Steenkamp ogu ana kara asi dogoro ngesi gahagekesapo mpito zendi ezi garuganesere zoface book omu gagwanekerere nomunasure ogo agave mbudi zendi, mokukwama nombudi apa gumwe gomvharerwa zosirongo saZimbabwe vamudipagere modoropa zaOtjiwarongo moutano wapiti.
Steenkamp kwatjenge asi evhu nalinye kwakara momawoko kovantungi mosirongo saSouth Afrika ntani marembe gosirongo oso tava kagatulika moNamibia. Nokuhundira asi natara nsene asi vanambudi navagava mbudi ezi kukwama omu zina horoka. Posiruwo simwe Steenkamp kwatente asi yirugana yemepangero kapi vayitulisirapo asi yovasovagani ntani bibeli nazo kapi vazitjanga asi ngano zovasovagani.
‘’Uzuni kuna yidiva asi sirongo saEuropa sina handuka morwa kuna kazuramo vasovagani. Zende moyihwa omo mwatunda mukalye eyi ngomuli yokuwora eyi ngavali vazinyakurweni, yimo ngoso ana kutanta kwagumwe ogu ava zogere nendi, ogu kahere ngano kumuyukisako nakauke asi oyo ono kuhuyunga yidona. Mukurona sure Wilma de Sausa, nkera katente kapi kalihameserere monombudi dangesi kaditundire kwaSteenkamp, nokutanta asi kapisi mbudi zokutundilira kosure ozo mbudi zamwene. Nokutanta asi Steenkamp kavamuhagekesere mokaruwo kokasupi pangenderera.
Awo ngesi kuna kundindira magano naga tunda kovanaveta ndi asi vadivi wonoveta asi kurugana ngapi. Ose kapi tuna kukwatesako nombudi edi dorutandu, mokutara asi ogu gorudi musinke ndi ruvara musinke ose ngesi kapi tuna hamenemo monombudi dangesi ose kapi tuna kuyikwatesako nampili nakauke. Ose kwapura omu vaturonga asi natuvenye kwatutantera asi kwahetakana komeho zaKarunga.
Yimo ana kutanta. Ose, kumwe novadivi vetu noveta, ngesi kuna kutarurura sihorokwa sangesi ntani ngendeseso nazi wapa ezi natukwama kuhamena sihorokwa esi. Ose kuna kugava ruguwo rwetu nokuhundira egusiropo kweyi yina reta ezonaguro monkarapamwe, morudi ntani uzuni naunye. Steenkamp kwakere murongi gontambo ndunge 4 omu avatere posure zokulikarera pwazene. Nonkambadaro asi tugwaneko nkumbu kwaSteenkamp kapi kayikere yitutompoke.
– edeklerk@nepc.com.na