Ngoloneya moshitukulwa shaMusati Erginus Endjala ota ti oshitukulwa shaye otashi ka ninga omailikano omolwa oimbuluma, yomahepeko ounona, nomadipayafano oo a hapupala moshitukulwa.
Meenghundafana a ninga naKundana Endjala okwa hokolola ta ti oilonga yoimbuluma oya londa unene pombada moshitukulwa shaye. Ta ti imwe yomoimbuloma oyo oya kwatelwa ovanhu veli meehole tave li dipaa unene, ounona tava hepekwa momaumbo, ovanhu tave li tuwa va fya va dipawa nosho yoo oulunga.
Onghee hano Endjala okwa ti oshiwana ashishe mOmusati okwa teelelwa opo shi kale sha ninga omailikano owina oo taa ka kala ko Etitano loshivike eshi, potundi 13h00.
Okwa yelifa ta ti oshiwana nashi ninge omailikano momaumbo, ile peenhele doilonga omanga okwa teelelwa ashike ovanhu veli omulongo ovo va kale vaya keengeleka opo va ka ilikane.
“Pefimbo lomaikalino otwa pumbwa okukala atu indile tweli tula mo moshili opo kalunga a kale auda omaindilo e tu shaashi vati kalunga iha nyengwa kusha, onghee hano ei oyo omito iwa opo tu kale twaya keengolo fyee tu dule okuilikanena oimbuluma moshikulwa shetu,” Endjala ta ti.
Ngoloneya okwa ti eengeleka nadi kale dina oshinakuwanifa sho ku kala tadi yandje ehongo lili kombinga yomahepekafano oukashike kookanhu momaumbo shaashi ou oo omukalo muwa wo kukala wa shu nifa oimbuluma pedu moshitukulwa.
Okwa denga omufindo ta ti unene ovanyasha veli meehole ovo vamwe va ninga oiyakanwa yomadipayafano shaashi ihava kongo omakwafo ngeenge tava hepekwa keehonda davo. Onghee hano ngoloneya okwa ti ovanhu nava kale tava lopotele opolifi, oovene vomikunda ngeenge vena oupyakadi neehonda davo.
“Natu indileni tuye na edimbuko opo tu dule oku kelela oilonga yoimbuluma moshitukulwa shetu. Fyee natu twikile oku liufa komilandu doCovid-19 efimbo keshe,” Endjala ta ti.